Study Desk

But God comendith his charite in vs; for if whanne we weren yit synneris,

aftir the tyme Crist was deed for vs, thanne myche more now we iustified in his blood, schulen be saaf fro wraththe bi him.

For if whanne we weren enemyes, we ben recounselid to God bi the deth of his sone, myche more we recounselid schulen be saaf in the lijf of hym.

For `til to the lawe synne was in the world; but synne was not rettid, whanne lawe was not.

But not as gilt, so the yifte; for if thorouy the gilt of oon manye ben deed, myche more the grace of God and the yifte in the grace of o man Jhesu Crist hath aboundid in to many men.

And not as bi o synne, so bi the yifte; for the doom of oon in to condempnacioun, but grace of many giltis in to iustificacioun.

For if in the gilt of oon deth regnede thorouy oon, myche more men that takyn plente of grace, and of yyuyng, and of riytwisnesse, schulen regne in lijf bi oon Jhesu Crist.

For as bi inobedience of o man manye ben maad synneris, so bi the obedience of oon manye schulen be iust.

God forbede. For hou schulen we that ben deed to synne, lyue yit ther ynne?

For we ben togidere biried with hym bi baptym `in to deth; that as Crist aroos fro deth bi the glorie of the fadir, so walke we in a newnesse of lijf.

For if we plauntid togidere ben maad to the licnesse of his deth, also we schulen be of the licnesse of his risyng ayen;

For he that is deed, is iustefied fro synne.

witinge for Crist, rysynge ayen fro deth, now dieth not, deeth schal no more haue lordschip on hym.

For that he was deed to synne, he was deed onys; but that he lyueth, he liueth to God.

For synne schal not haue lordschipe on you; for ye ben not vndur the lawe, but vndur grace.

What therfor? Schulen we do synne, for we ben not vndur the lawe, but vndur grace?

Y seie that thing that is of man, for the vnstidefastnesse of youre fleisch. But as ye han youun youre membris to serue to vnclennesse, and to wickidnesse `in to wickidnesse, so now yyue ye youre membris to serue to riytwisnesse in to hoolynesse.

For whanne ye weren seruauntis of synne, ye weren fre of riytfulnesse.

Therfor what fruyt hadden ye thanne in tho thingis, in whiche ye schamen now? For the ende of hem is deth.

For the wagis of synne is deth; the grace of God is euerlastynge lijf in Crist Jhesu our Lord.