Read the Bible

¹ 'n Bedevaartslied. Van Dawid. Ek was bly toe hulle vir my gesê het: Laat ons na die huis van die HERE gaan!² Ons voete staan in jou poorte, o Jerusalem!³ Jerusalem wat gebou is soos 'n stad wat goed saamgevoeg is,⁴ waarheen die stamme optrek, die stamme van die HERE- 'n voorskrif vir Israel! - om die Naam van die HERE te loof.⁵ Want daar staan die stoele vir die gereg, die stoele van die huis van Dawid.

⁶ Bid om die vrede van Jerusalem; mag hulle wat jou liefhet, rustig lewe!⁷ Mag daar vrede wees in jou skanse, rus in jou paleise!⁸ Ter wille van my broers en my vriende wil ek spreek: Vrede in jou!⁹ Ter wille van die huis van die HERE onse God wil ek die goeie vir jou soek.