Read the Bible

¹ Halleluja! Loof die HERE uit die hemele; loof Hom in die hoogtes!² Loof Hom, al sy engele, loof Hom, al sy leërskare!³ Loof Hom, son en maan, loof Hom, alle ligtende sterre!⁴ Loof Hom, hoogste hemele en waters wat bo die hemele is!⁵ Laat hulle die Naam van die HERE loof; want Hy het bevel gegee- en hulle is geskape.⁶ En Hy het hulle in stand gehou vir altyd, vir ewig; Hy het 'n wet gegee wat geeneen oortree nie.

⁷ Loof die HERE van die aarde af- groot seediere en alle dieptes!⁸ Vuur en hael, sneeu en damp, stormwind wat sy woord volbring;⁹ berge en alle heuwels, vrugtebome en alle sederbome,¹⁰ wilde diere en alle vee, kruipende diere en gevleuelde voëls;¹¹ konings van die aarde en alle volke, vorste en alle regters van die aarde;¹² jongelinge en ook jongedogters, oues saam met die jonges- ¹³ laat hulle die Naam van die HERE loof! Want sy Naam alleen is hoog; sy majesteit is oor aarde en hemel!¹⁴ En Hy het 'n horing vir sy volk verhef: 'n roem vir al sy gunsgenote; vir die kinders van Israel, die volk wat naby Hom is. Halleluja!