Study Desk

He schal repreue you; for ye taken his face in hiddlis.

And he schal be my sauyour; for whi ech ypocrite schal not come in his siyt.

For thou writist bitternessis ayens me; and wolt waste me with the synnes of my yong wexynge age.

For thou repreuest hym bi wordis, which is not lijk thee, and thou spekist that, that spedith not to thee.

For wickidnesse hath tauyt thi mouth, and thou suest the tunge of blasfemeris.

For he helde forth his hond ayens God, and he was maad strong ayens Almyyti God.

For the gaderyng togidere of an ipocrite is bareyn, and fier schal deuoure the tabernaclis of hem, that taken yiftis wilfuli.

Also Y myyte speke thingis lijk to you, and `Y wolde, that youre soule were for my soule; and Y wolde coumfort you by wordis, and Y wolde moue myn heed on you;

`For, lo! my witnesse is in heuene; and the knowere of my consience is in hiye places.

`For lo! schorte yeeris passen, and Y go a path, bi which Y schal not turne ayen.

What leesist thou thi soule in thi woodnes? Whether the erthe schal be forsakun `for thee, and hard stoonys schulen be borun ouer fro her place?

For he hath sent hise feet in to a net; and he goith in the meschis therof.

Haue ye merci on me, haue ye merci on me, nameli, ye my frendis; for the hond of the Lord hath touchid me.

For Y woot, that myn ayenbiere lyueth, and in the laste dai Y schal rise fro the erthe;

Therfor fle ye fro the face of the swerd; for the swerd is the vengere of wickidnessis, and wite ye, that doom schal be.

For whanne yuel was swete in his mouth, he hidde it vndur his tunge.

He schal suffre peyne for alle thingis whiche he hath do, netheles he schal not be wastid; aftir the multitude of his fyndyngis, so and `he schal suffre.

For he brake, and made nakid the hows of a pore man; he rauyschide, and bildide it not.

Netheles for her goodis ben not in her hond, `that is, power, the counsel of wickid men be fer fro me.

For whi what perteyneth it to hym of his hows aftir hym, thouy the noumbre of his monethis be half takun awey?