Study Desk

For the world in wisdom of God knewe not God bi wisdom, it pleside to God, bi foli of prechyng, `to maken hem saaf that bileueden.

For Jewis seken signes, and Grekis seken wisdom;

For that that is foli thing of God, is wiser than men; and that that is the feble thing of God, is strengere than men.

But, britheren, se ye youre clepyng; for not many wise men aftir the fleisch, not many myyti, not many noble.

For Y demede not me to kunne ony thing among you, but Crist Jhesu, and hym crucified.

For we speken wisdom among perfit men, but not wisdom of this world, nether of princes of this world, that ben distried;

which noon of the princes of this world knew; for if thei hadden knowe, thei schulden neuere haue crucified the Lord of glorie.

but God schewide to vs bi his spirit. For whi the spirit serchith alle thingis, yhe, the depe thingis of God.

For a beestli man perseyueth not tho thingis that ben of the spirit of God; for it is foli to hym, and he may not vndurstonde, for it is examyned goostli.

as to litle children in Crist, Y yaf to you mylk drynke, not mete; for ye myyten not yit, nether ye moun now, for yit ye ben fleischli.

For while strijf is among you, whether ye ben not fleischli, and ye gon aftir man?

For whanne summe seith, Y am of Poul, another, But Y am of Apollo, whethir ye ben not men? What therfor is Apollo, and what Poul?

For we ben the helperis of God; ye ben the erthetiliyng of God, ye ben the bildyng of God.

For no man may sette another foundement, outtakun that that is sett, which is Crist Jhesus.

For if ony bildith ouer this foundement, gold, siluer, preciouse stoonys, stickis, hey, or stobil, euery mannus werk schal be open;

for the dai of the Lord schal declare, for it schal be schewid in fier; the fier schal preue the werk of ech man, what maner werk it is.

And if ony defoulith the temple of God, God schal leese hym; for the temple of God is hooli, which ye ben.

For the wisdom of this world is foli anentis God; for it is writun, Y schal catche wise men in her fel wisdom;

and eft, The Lord knowith the thouytis of wise men, for tho ben veyn.

For alle thingis ben youre, ethir Poul, ether Apollo, ether Cefas, ether the world, ether lijf, ether deth, ether thingis present, ethir thingis to comynge; for alle thingis ben youre,