Study Desk

But tho thingis that hethene men offren, thei offren to deuelis, and not to God. But Y nyle, that ye ben maad felowis of feendis; for ye moun not drynke the cuppe of the Lord, and the cuppe of fendis;

Al thing that is seld in the bocherie, ete ye, axynge no thing for conscience.

If ony of hethene men clepith you to soper, and ye wole go, al thing that is set to you, ete ye, axynge no thing for conscience.

But if ony man seith, This thing is offrid to idols, nyle ye ete, for hym that schewide, and for conscience; and Y seie not,

Therfor if Y take part with grace, what am Y blasfemed, for that that Y do thankyngis?

But ech womman preiynge, or profeciynge, whanne hir heed is not hilid, defoulith hir heed; for it is oon, as if sche were pollid.

But a man schal not hile his heed, for he is the ymage and the glorie of God; but a womman is the glorie of man.

For a man is not of the womman, but the womman of the man.

And the man is not maad for the womman, but the womman for the man.

Therfor the womman schal haue an hilyng on hir heed, also for aungelis.

Nether the kynde it silf techith vs, for if a man nursche longe heer, it is schenschipe to hym;

but if a womman nurische longe heer, it is glorie to hir, for heeris ben youun to hir for keueryng.

First for whanne ye comen togidere in to the chirche, Y here that discenciouns ben, and in parti Y bileue.

For it bihoueth eresies to be, that thei that ben prouyd, ben opynli knowun in you.

for whi ech man bifor takith his soper to ete, and oon is hungry, and another is drunkun.

For Y haue takun of the Lord that thing, which Y haue bitakun to you. For the Lord Jhesu, in what niyt he was bitraied,

took breed, and dide thankyngis, and brak, and seide, Take ye, and ete ye; this is my bodi, which schal be bitraied for you; do ye this thing in to my mynde.

For as ofte as ye schulen ete this breed, and schulen drynke the cuppe, ye schulen telle the deth of the Lord, til that he come.

For he that etith and drinkith vnworthili, etith and drinkith doom to hym, not wiseli demyng the bodi of the Lord.

For ye witen, that whanne ye weren hethene men, hou ye weren led goynge to doumbe maumetis.