Study Desk

And for we weren throwun with strong tempest, in the dai suynge thei maden casting out.

And now Y counsel you to be of good coumfort, for los of no persoone of you schal be, outakun of the schip.

For an aungel of God, whos Y am, and to whom Y serue, stood niy to me in this niyt, and seide, Poul, drede thou not;

For which thing, ye men, be ye of good coumfort; for Y bileue to my God, that so it schal be, as it is seid to me.

Wherfor Y preie you to take mete, for youre helthe; for of noon of you the heer of the heed schal perische.

And whanne a fier was kyndelid, thei refreschiden vs alle, for the reyn that cam, and the coold.

And whanne the hethene men of the ile siyen the beest hangynge in his hoond, thei seiden togidir, For this man is a manquellere; and whanne he scapide fro the see, Goddis veniaunce suffrith hym not to lyue in erthe.

And whanne thei hadden axid of me, wolden haue delyuerid me, for that no cause of deth was in me.

But for Jewis ayenseiden, Y was constreyned to appele to the emperour; not as hauynge ony thing to accuse my puple.

Therfor for this cause Y preiede to se you, and speke to you; for for the hope of Israel Y am gird aboute with this chayne.

But we preyen to here of thee, what thingis thou felist; for of this sect it is knowun to vs, that euerywhere me ayenseith it.

And whanne thei hadden ordeined a dai to hym, many men camen to hym in to the in. To whiche he expownede, witnessinge the kyngdom `of God, and counseilide hem of Jhesu, of the lawe of Moyses, and profetis, for the morewe til to euentid.

And whanne thei weren not consentinge togidir, thei departiden. And Poul seide o word, For the Hooli Goost spak wel bi Ysaye, the profete, to oure fadris,

For the herte of this puple is greetli fattid, and with eeris thei herden heuyli, and thei closiden togider her iyen, lest perauenture thei se with iyen, and with eeris here, and bi herte vndurstonde, and be conuertid, and Y hele hem.

bi whom we han resseyued grace and the office of apostle, to obeie to the feith in alle folkis for his name,

First Y do thankyngis to my God, bi Jhesu Crist, for alle you, for youre feith is schewid in al the world.

For God is a witnesse to me, to whom Y serue in my spirit, in the gospel of his sone,

For Y desire to se you, to parten sumwhat of spiritual grace,

For Y schame not the gospel, for it is the vertu of God in to heelthe to ech man that bileueth, to the Jew first, and to the Greke.

For the riytwisnesse of God is schewid in it, of feith in to feith,