Study Desk

Thanne seist thou to me, What is souyt yit? for who withstondith his wille?

But Isaye crieth for Israel, If the noumbre of Israel schal be as grauel of the see, the relifs schulen be maad saaf.

Forsothe a word makynge an ende, and abreggynge in equyte, for the Lord schal make a word breggid on al the erthe.

Whi? For not of feith, but as of werkys. And thei spurneden ayens the stoon of offencioun,

Britheren, the wille of myn herte and mi biseching is maad to God for hem in to helthe.

For thei vnknowynge Goddis riytwisnesse, and sekynge to make stidefast her owne riytfulnesse, ben not suget to the riytwisnesse of God.

For the ende of the lawe is Crist, to riytwisnesse to ech man that bileueth.

For Moises wroot, For the man that schal do riytwisnesse that is of the lawe, schal lyue in it.

For bi herte me bileueth to riytwisnesse, but bi mouth knowleching is maad to helthe.

For whi the scripture seith, Ech that bileueth in hym, schal not be confoundid.

And ther is no distinccioun of Jew and of Greke; for the same Lord of alle is riche in alle, that inwardli clepen hym.

For ech man `who euere schal inwardli clepe the name of the Lord, schal be saaf.

But not alle men obeien to the gospel. For Ysaie seith, Lord, who bileuede to oure heryng?

Therfor Y seie, Whether God hath put awei his puple? God forbede. For Y am an Israelite, of the seed of Abraham, of the lynage of Beniamyn.

But Y seie to you, hethene men, for as longe as Y am apostle of hethene men, Y schal onoure my mynysterie,

if in ony maner Y stire my fleisch for to folowe, and that Y make summe of hem saaf.

For if the loss of hem is the recouncelyng of the world, what is the takyng vp, but lijf of deede men?

For if a litil part of that that is tastid be hooli, the hool gobet is hooli; and if the roote is hooli, also the braunchis.

nyle thou haue glorie ayens the braunchis. For if thou gloriest, thou berist not the roote, but the roote thee.

Wel, for vnbileue the braunchis ben brokun; but thou stondist bi feith. Nyle thou sauere hiye thing,