Study Desk

For the hid thingis of his herte ben knowun, and so he schal falle doun on the face, and schal worschipe God, and schewe verili that God is in you.

For ye moun `prophecie alle, ech bi hym silf, that alle men lerne, and alle moneste.

for whi God is not of discencioun, but of pees; as in alle chirchis of hooli men `Y teche.

Wymmen in chirchis be stille; for it is not suffrid to hem to speke, but to be suget, as the lawe seith.

But if thei wolen ony thing lerne, `at home axe thei her hosebondis; for it is foule thing to a womman to speke in chirche.

If ony man is seyn to be a prophete, or spiritual, knowe he tho thingis that Y write to you, for tho ben the comaundementis of the Lord.

For Y bitook to you at the bigynnyng that thing which also Y haue resseyued; that Crist was deed for oure synnes, bi the scripturis;

For Y am the leste of apostlis, that am not worthi to be clepid apostle, for Y pursuede the chirche of God.

But bi the grace of God Y am that thing that Y am; and his grace was not voide in me. For Y trauelide more plenteuously than alle thei; but not Y, but the grace of God with me.

And we ben foundun false witnessis of God, for we han seid witnessyng ayens God, that he reiside Crist, whom he reiside not, if deed men risen not ayen.

for deeth was bi a man, and bi a man is ayenrisyng fro deth.

And at the laste, deth the enemye schal be distried; for he hath maad suget alle thingis vndur hise feet.

Ellis what schulen thei do, that ben baptisid for deed men, if in no wise deed men risen ayen? wherto ben thei baptisid for hem?

Ech dai Y die for youre glorie, britheren, which glorie Y haue in Crist Jhesu oure Lord.

If aftir man Y haue fouyten to beestis at Efesi, what profitith it to me, if deed men risen not ayen? Ete we, and drynke we, for we schulen die to morewe.

Nyle ye be disseyued; for yuel spechis distrien good thewis.

Awake ye, iuste men, and nyle ye do synne; for summen han ignoraunce of God, but to reuerence Y speke to you.

in a moment, in the twynklyng of an iye, in the laste trumpe; for the trumpe schal sowne, and deed men schulen rise ayen, with oute corrupcioun, and we schulen be chaungid.

For it byhoueth this corruptible thing to clothe vncorrupcioun, and this deedli thing to putte awei vndeedlinesse.

But Y schal come to you, whanne Y schal passe bi Macedonye; for whi Y schal passe bi Macedonye.