Study Desk

For it is impossible that synnes be doon awei bi blood of boolis, and of buckis of geet.

brent sacrificis also for synne plesiden not to thee.

He seiynge bifor, That thou woldist not sacrificis, and offringis, and brent sacrifices for synne, ne tho thingis ben plesaunt to thee, whiche ben offrid bi the lawe,

But this man offringe o sacrifice for synnes, for euere more sittith in the riythalf of God the fadir;

For bi oon offring he made perfit for euere halewid men.

And the Hooli Goost witnessith to vs; for aftir that he seide, This is the testament,

And where remyssioun of these is, now is ther noon offring for synne.

and holde we the confessioun of oure hope, bowinge to no side; for he is trewe that hath made the biheeste.

Forwhi now a sacrifice for synnes is not left to vs, that synnen wilfuli, aftir that we han take the knowyng of treuthe.

For we knowen him that seide, To me veniaunce, and Y schal yelde. And eft, For the Lord schal deme his puple.

For also to boundun men ye hadden compassioun, and ye resseyueden with ioye the robbyng of youre goodis, knowinge that ye han a betere and a dwellinge substaunce.

For pacience is nedeful to you, that ye do the wille of God, and bringe ayen the biheest.

For yit a litil, and he that is to comynge schal come, and he schal not tarie.

For my iust man lyueth of feith; that if he withdrawith hym silf, he schal not plese to my soule.

Bi feith Abel offride a myche more sacrifice than Caym to God, bi which he gat witnessyng to be iust, for God bar witnessyng to hise yiftis; and bi that feith he deed spekith yit.

Bi feith Ennok was translatid, that he schulde not se deth; and he was not foundun, for the Lord translatide him. For bifore translacioun he hadde witnessing that he pleside God.

And it is impossible to plese God without feith. For it bihoueth that a man comynge to God, bileue that he is, and that he is rewardere to men that seken hym.

For he abood a citee hauynge foundementis, whos crafti man and maker is God.

Bi feith also the ilke Sara bareyn, took vertu in consceyuyng of seed, yhe, ayen the tyme of age; for sche bileuede hym trewe, that hadde bihiyte.

For which thing of oon, and yit nyy deed, ther ben borun as sterris of heuene in multitude, and as grauel that is at the see side out of noumbre.