Study Desk

Nyle ye be led awei with dyuerse `techingis, and straunge. For it is best to stable the herte with grace, not with metis, whiche profitiden not to men wandringe in hem.

For of whiche beestis the blood is borun in for synne in to hooli thingis bi the bischop, the bodies of hem ben brent with out the castels.

For which thing Jhesu, that he schulde halewe the puple bi his blood, suffride with out the gate.

For we han not here a citee dwellynge, but we seken a citee to comynge.

And nyle ye foryete wel doynge, and comynyng; for bi siche sacrifices God is disserued.

Obeie ye to youre souereyns, and be ye suget to hem; for thei perfitli waken, as to yeldinge resoun for youre soulis, that thei do this thing with ioie, and not sorewinge; for this thing spedith not to you.

Preie ye for vs, and we tristen that we han good conscience in alle thingis, willynge to lyue wel.

And, britheren, Y preie you, that ye suffre a word of solace; for bi ful fewe thingis Y haue writun to you.

But axe he in feith, and doute no thing; for he that doutith, is lijk to a wawe of the see, which is moued and borun a boute of wynde.

and a riche man in his lownesse; for as the flour of gras he schal passe.

Blessid is the man, that suffrith temptacioun; for whanne he schal be preued, he schal resseyue the coroun of lijf, which God biheyte to men that louen hym.

No man whanne he is temptid, seie, that he is temptid of God; for whi God is not a temptere of yuele thingis, for he temptith no man.

For wilfulli he bigat vs bi the word of treuthe, that we be a bigynnyng of his creature.

for the wraththe of man worchith not the riytwisnesse of God.

For which thing caste ye awei al vnclennesse, and plentee of malice, and in myldenesse resseyue ye the word that is plauntid, that may saue youre soulis.

For if ony man is an herere of the word, and not a doere, this schal be licned to a man that biholdith the cheer of his birthe in a mirour;

for he bihelde hym silf, and wente awei, and anoon he foryat which he was.

For if a man `that hath a goldun ring, and in a feire clothing, cometh in youre cumpany, and a pore man entrith in a foul clothing,

For he that seide, Thou schalt do no letcherie, seide also, Thou schalt not sle; that if thou doist not letcherie, but thou sleest, thou art maad trespassour of the lawe.

For whi dom with out merci is to hym, that doith no mercy; but merci aboue reisith dom.