Study Desk

Therfor the bischopis and the Farisees gadriden a counsel ayens Jhesu, and seiden, What do we? for this man doith many myraclis.

Ye witen nothing, ne thenken, that it spedith to you, that o man die for the puple, and that al the folc perische not.

But he seide not this thing of hym silf, but whanne he was bischop of that yeer, he prophesiede, that Jhesu was to die for the folc,

and not oneli for the folc, but that he schulde gadere in to oon the sones of God that weren scaterid.

Therfor fro that day thei souyten for to sle hym.

Therfor thei souyten Jhesu, and spaken togidere, stondynge in the temple, What gessen ye, for he cometh not to the feeste day?

For the bischopis and Farisees hadden youun a maundement, that if ony man knowe where he is, that he schewe, that thei take hym.

seide, Whi is not this oynement seeld for thre hundrid pens, and is youun to nedi men?

But he seide this thing, not for it perteynede to hym of nedi men, but for he was a theef, and he hadde the pursis, and bar tho thingis that weren sent.

for ye schulen euermore haue pore men with you, but ye schulen not euermore haue me.

Therfore myche puple of Jewis knew, that Jhesus was there; and thei camen, not oonli for Jhesu, but to se Lazarus, whom he hadde reisid fro deth.

for manye of the Jewis wenten awei for him, and bileueden in Jhesu.

Hise disciplis knewen not first these thingis, but whanne Jhesus was glorified, thanne thei hadden mynde, for these thingis weren writun of hym, and these thingis thei diden to hym.

And therfor the puple cam, and mette with hym, for thei herden that he hadde don this signe.

Jhesus answerde, and seide, This vois cam not for me, but for you.

Therfor thei myyten not bileue, for eft Ysaye seide,

Netheles `of the pryncis manye bileueden in hym, but for the Farisees thei knowlechiden not, that thei schulden not be put out of the synagoge;

for thei loueden the glorie of men, more than the glorie of God.

And if ony man herith my words, and kepith hem, Y deme hym not; for Y cam not, that Y deme the world, but that Y make the world saaf.

For Y haue not spokun of my silf, but thilke fadir that sente me, yaf to me a maundement, what Y schal seie, and what Y schal speke.