Study Desk

For he wiste, who `was he that schulde bitraye hym; therfor he seide, Ye ben not alle clene.

Ye clepen me maistir and lord, and ye seien wel; for Y am.

for Y haue youun `ensaumple to you, `that as I haue do to you, so do ye.

For summe gessiden, for Judas hadde pursis, that Jhesus hadde seid to hym, Bie thou tho thingis, that ben nedeful to vs to the feeste dai, or that he schulde yyue sum thing to nedi men.

Petre seith to hym, Whi may Y not sue thee now? Y schal putte my lijf for thee.

Jhesus answeride, Thou schalt putte thi lijf for me? Treuli, treuli, Y seie to thee, the cok schal not crowe, til thou schalt denye me thries. And he seith to hise disciplis.

In the hous of my fadir ben many dwellyngis; if ony thing lesse, Y hadde seid to you, for Y go to make redi to you a place.

Ellis bileue ye for thilke werkis. Treuli, treuli, Y seie to you, if a man bileueth in me, also he schal do the werkis that Y do; and he schal do grettere werkis than these, for Y go to the fadir.

the spirit of treuthe, to dwelle with you with outen ende; which spirit the world may not take, for it seeth hym not, nether knowith hym. But ye schulen knowe hym, for he schal dwelle with you, and he schal be in you.

Yit a litil, and the world seeth not now me; but ye schulen se me, for Y lyue, and ye schulen lyue.

Ye han herd, that Y seide to you, Y go, and come to you. If ye loueden me, forsothe ye schulden haue ioye, for Y go to the fadir, for the fadir is grettere than Y.

Now Y schal not speke many thingis with you; for the prince of this world cometh, and hath not in me ony thing.

Now ye ben clene, for the word that Y haue spokun to you.

Y am a vyne, ye the braunchis. Who that dwellith in me, and Y in hym, this berith myche fruyt, for with outen me ye moun no thing do.

No man hath more loue than this, that a man putte his lijf for hise freendis.

Now Y schal not clepe you seruauntis, for the seruaunt woot not, what his lord schal do; but Y haue clepid you freendis, for alle thingis what euere Y herde of my fadir, Y haue maad knowun to you.

If ye hadden be of the world, the world schulde loue that thing that was his; but for ye ben not of the world, but Y chees you fro the world, therfor the world hatith you.

But thei schulen do to you alle these thingis for my name, for thei knowen not hym that sente me.

But that the word be fulfillid, that is writun in her lawe, For thei hadden me in hate with outen cause.

and ye schulen bere witnessyng, for ye ben with me fro the bigynnyng.