Study Desk

But thei suen not an alien, but fleen from hym; for thei han not knowun the vois of aliens.

I am a good scheepherde; a good scheepherde yyueth his lijf for hise scheep.

And the hirid hyne fleeth, for he is an hirid hyne, and it parteyneth not to hym of the scheep.

As the fadir hath knowun me, Y knowe the fadir; and Y putte my lijf for my scheep.

Therfor the fadir loueth me, for Y putte my lijf, that eftsoone Y take it.

Eft dissencioun was maad among the Jewis for these wordis.

But ye bileuen not, for ye ben not of my scheep.

Jhesus answerde to hem, Y haue schewide to you many good werkis of my fadir, for which werk of hem stonen ye me?

The Jewis answerden to hym, We stoonen thee not of good werk, but of blasfemye, and for thou, sithen thou art a man, makist thi silf God.

thilke that the fadir hath halewid, and hath sent in to the world, ye seien, That `thou blasfemest, for Y seide, Y am Goddis sone?

And manye camen to hym, and seiden, For Joon dide no myracle;

And Jhesus herde, and seide to hem, This syknesse is not to the deth, but for the glorie of God, that mannus sone be glorified bi hym.

The disciplis seien to hym, Maister, now the Jewis souyten for to stoone thee, and eft goist thou thidir?

Jhesus answerde, Whether ther ben not twelue ouris of the dai? If ony man wandre in the dai, he hirtith not, for he seeth the liyt of this world.

But if he wandre in the niyt, he stomblith, for liyt is not in him.

and Y haue ioye for you, that ye bileue, for Y was not there; but go we to hym.

Therfor the Jewis that weren with hir in the hous, and coumfortiden hir, whanne thei sayn Marie, that sche roos swithe, and wente out, thei sueden hir, and seiden, For sche goith to the graue, to wepe there.

And Jhesus seith, Take ye awey the stoon. Martha, the sistir of hym that was deed, seith to hym, Lord, he stynkith now, for he hath leye foure daies.

Therfor thei token awei the stoon. And Jhesus lifte vp hise iyen, and seide, Fadir, Y do thankyngis to thee, for thou hast herd me; and Y wiste,

that thou euermore herist me, but for the puple that stondith aboute, Y seide, that thei bileue, that thou hast sent me.