Read the Bible

¹ Magistro chori. PSALMUS. David. ² Usquequo, Domine, oblivisceris me in finem? Usquequo avertes faciem tuam a me? ³ Usquequo ponam consilia in anima mea, dolorem in corde meo per diem? Usquequo exaltabitur inimicus meus super me? ⁴ Respice et exaudi me, Domine Deus meus. Illumina oculos meos, ne quando obdormiam in morte, ⁵ ne quando dicat inimicus meus: "Praevalui adversus eum!"; neque exsultent, qui tribulant me, si motus fuero. ⁶ Ego autem in misericordia tua speravi. Exsultabit cor meum in salutari tuo; cantabo Domino, qui bona tribuit mihi.