Read the Bible

¹ Magistro chori. David. Ad commemorandum. [70:2] Deus, in adiutorium meum intende; Domine, ad adiuvandum me festina. ² [70:3] Confundantur et revereantur, qui quaerunt animam meam. Avertantur retrorsum et erubescant, qui volunt mihi mala. ³ [70:4] Convertantur propter confusionem suam, qui dicunt mihi: "Euge, euge". ⁴ [70:5] Exsultent et laetentur in te omnes, qui quaerunt te; et dicant semper: "Magnificetur Deus", qui diligunt salutare tuum. ⁵ [70:6] Ego vero egenus et pauper sum; Deus, ad me festina. Adiutor meus et liberator meus es tu; Domine, ne moreris.