Read the Bible

¹ Deus ultionum, Domine, Deus ultionum, effulge. [94:2] Exaltare, qui iudicas terram, redde retributionem superbis. ² [94:3] Usquequo peccatores, Domine, usquequo peccatores exsultabunt? ³ [94:4] Effabuntur et loquentur proterva, gloriabuntur omnes, qui operantur iniquitatem. - ⁴ [94:5] Populum tuum, Domine, humiliant et hereditatem tuam vexant. ⁵ [94:6] Viduam et advenam interficiunt et pupillos occidunt. ⁶ [94:7] Et dixerunt: "Non videbit Dominus, nec intelleget Deus Iacob". ⁷ [94:8] Intellegite, insipientes in populo; et stulti, quando sapietis? ⁸ [94:9] Qui plantavit aurem, non audiet, aut qui finxit oculum, non respiciet? ⁹ [94:10] Qui corripit gentes, non arguet, qui docet hominem scientiam? ¹⁰ [94:11] Dominus scit cogitationes hominum, quoniam vanae sunt. ¹¹ [94:12] Beatus homo, quem tu erudieris, Domine, et de lege tua docueris eum,

¹² [94:13] ut mitiges ei a diebus malis, donec fodiatur peccatori fovea. ¹³ [94:14] Quia non repellet Dominus plebem suam et hereditatem suam non derelinquet. ¹⁴ [94:15] Quia ad iustitiam revertetur iudicium, et sequentur illam omnes, qui recto sunt corde. ¹⁵ [94:16] Quis consurget mihi adversus malignantes, aut quis stabit mecum adversus operantes iniquitatem? ¹⁶ [94:17] Nisi quia Dominus adiuvit me, paulo minus habitasset in loco silentii anima mea. ¹⁷ [94:18] Si dicebam: "Motus est pes meus", misericordia tua, Domine, sustentabat me. ¹⁸ [94:19] In multitudine sollicitudinum mearum in corde meo, consolationes tuae laetificaverunt animam meam. ¹⁹ [94:20] Numquid sociabitur tibi sedes iniquitatis, quae fingit molestiam contra praeceptum? ²⁰ [94:21] Irruunt in animam iusti et sanguinem innocentem condemnant. ²¹ [94:22] Et factus est mihi Dominus in praesidium, et Deus meus in rupem refugii mei; ²² [94:23] et reddet illis iniquitatem ipsorum et in malitia eorum disperdet eos, ²³ [94:24] disperdet illos Dominus Deus noster.