Study Desk

Forsothe Y seide in the passyng of my soule; Y am cast out fro the face of thin iyen. Therfor thou herdist the vois of my preier; while Y criede to thee.

For bi dai and nyyt thin `hond was maad greuouse on me; Y am turned in my wretchednesse, while the thorn is set in.

Schede out the swerd, and close togidere ayens hem that pursuen me; seie thou to my soule, Y am thin helthe.

I am maad a wretche, and Y am bowid doun til in to the ende; al dai Y entride sorewful.

I am turmentid, and maad low ful greetli; Y roride for the weilyng of myn herte.

And Y am maad as a man not herynge; and not hauynge repreuyngis in his mouth.

For Y am redi to betyngis; and my sorewe is euere in my siyt.

Be thou not stille, for Y am a comelyng at thee; and a pilgrime, as alle my fadris. Foryyue thou to me, that Y be refreischid, bifor that Y go; and Y schal no more be.

Forsothe Y am a beggere and pore; the Lord is bisi of me. Thou arte myn helpere and my defendere; my God, tarie thou not.

Yyue ye tent, and se ye, that Y am God; Y schal be enhaunsid among hethene men; and Y schal be enhaunsid in erthe.

Mi puple, here thou, and Y schal speke to Israel; and Y schal witnesse to thee, Y am God, thi God.

yyue thou tent to me, and here thou me. I am sorewful in myn exercising; and Y am disturblid of the face of the enemye,

I am set in the sliym of the depthe; and `substaunce is not. I cam in to the depthe of the see; and the tempest drenchide me.

I am maad a straunger to my britheren; and a pilgryme to the sones of my modir.

And Y puttide my cloth an heire; and Y am maad to hem in to a parable.

And turne not awei thi face fro thi child; for Y am in tribulacioun, here thou me swiftli.

I am pore and sorewful; God, thin heelthe took me vp.

Forsothe Y am a nedi man, and pore; God, helpe thou me. Thou art myn helper and my delyuerere; Lord, tarye thou not.

In thee Y am confermyd fro the wombe; thou art my defendere fro the wombe of my modir.

My syngyng is euere in thee; Y am maad as a greet wonder to many men; and thou art a strong helpere.