Study Desk

And these thingis which Y write to you, lo! tofor God Y lie not.

and in me thei glorifieden God.

But of these that semeden to be sumwhat; whiche thei weren sum tyme, it perteyneth not to me, for God takith not the persoone of man; for thei that semeden to be sumwhat, yauen me no thing.

and whanne thei hadden knowe the grace of God, that was youun to me, James, and Petre, and Joon, whiche weren seyn to be the pileris, thei yauen riythond of felowschip to me and to Barnabas, that we among the hethene, and thei in to circumcisioun;

God forbede. And if Y bylde ayen thingis that Y haue distruyed, Y make my silf a trespassour.

For bi the lawe Y am deed to the lawe, and Y am fitchid to the crosse, that Y lyue to God with Crist.

Y caste not awey the grace of God; for if riytwisnesse be thoruy lawe, thanne Crist diede with out cause.

As it is writun, Abraham bileuede to God, and it was rettid to hym to riytfulnesse.

And the scripture seynge afer, that God iustifieth the hethene, of bileue told tofor to Abraham, That in thee alle the hethene schulen be blessid.

And that no man is iustified in the lawe bifor God, it is opyn, for a riytful man lyueth of bileue.

But Y seie, this testament is confermed of God; the lawe that was maad after foure hundrid and thritti yeer, makith not the testament veyn to auoide awei the biheest.

For if eritage were of the lawe, it were not now of biheeste. But God grauntide to Abraham thoruy biheest.

But a mediatour is not of oon. But God is oon.

Is thanne the lawe ayens the biheestis of God? God forbede. For if the lawe were youun, that myyte quikene, verili were riytfulnesse of lawe.

For alle ye ben the children of God thoruy the bileue of Jhesu Crist.

But aftir that the fulfilling of tyme cam, God sente his sone,

And for ye ben Goddis sones, God sente his spirit in to youre hertis, criynge, Abba, fadir.

And so ther is not now a seruaunt, but a sone; and if he is a sone, he is an eir bi God.

But thanne ye vnknowynge God, serueden to hem that in kynde weren not goddis.

But now whanne ye han knowe God, and ben knowun of God, hou ben ye turned eftsoone to the febil and nedi elementis, to the whiche ye wolen eft serue?