Study Desk

Poul, apostle of `Crist Jhesu, bi the wille of God,

grace and pees to you of God oure fadir and of the Lord Jhesu Crist. We don thankyngis to God, and to the fader of oure Lord Jhesu Crist, euermore preiynge for you, herynge youre feith in Crist Jhesu,

that cam to you, as also it is in al the world, and makith fruyt, and wexith, as in you, fro that dai in which ye herden and knewen the grace of God in treuthe.

that ye walke worthili to God plesynge bi alle thingis, and make fruyt in al good werk, and wexe in the science of God,

that ye do thankyngis to God and to the fadir, which made you worthi in to the part of eritage of hooli men in liyt.

Which is the ymage of God vnuysible, the first bigetun of ech creature.

Of which Y Poul am maad mynystre bi the dispensacioun of God, that is youun to me in you,

that Y fille the word of God, the priuyte, that was hid fro worldis and generaciouns. But now it is schewid to his seyntis,

to whiche God wold make knowun the richessis of the glorie of this sacrament in hethene men, which is Crist in you, the hope of glorie.

that her hertis ben coumfortid, and thei ben tauyt in charite, in to alle the richessis of the plente of the vndurstondyng, in to the knowyng of mysterie of God, the fadir of Jhesu Crist,

and ye ben biried togidere with hym in baptim, in whom also ye han rise ayen bi feith of the worching of God, that reiside hym fro deth.

and not holdynge the heed, of which al the bodi, bi boondis and ioynyngis togidere vndur mynystrid and maad, wexith in to encreessing of God.

Therfor if ye han risun togidere with Crist, seke ye tho thingis that ben aboue, where Crist is sittynge in the riythalf of God.

For ye ben deed, and youre lijf is hid with Crist in God.

for whiche thingis the wraththe of God cam on the sones of vnbileue;

that is maad newe ayen in to the knowing of God, aftir the ymage of hym that made hym;

Therfor ye, as the chosun of God, hooli and louyd, clothe you with the entrailis of merci, benygnite, and mekenesse, temperaunce, pacience;

Al thing, what euere thing ye don, in word or in dede, alle thingis in the name of oure Lord Jhesu Crist, doynge thankyngis to God and to the fadir bi hym.

For he that doith iniurie, schal resseyue that that he dide yuele; and acceptacioun of persoones is not anentis God.

and preie ech for othere, and for vs, that God opene to vs the dore of word, to speke the misterie of Crist;