Study Desk

And of al the multitude of men bileuynge was oon herte and oon wille; nether ony man seide ony thingis of tho thingis that he weldide to be his owne, but alle thingis weren comyn to hem.

But a man, Anany bi name, with Safira, his wijf,

seelde a feeld, and defraudide of the prijs of the feeld; and his wijf was witinge. And he brouyte a part, and leide bifor the feet of the apostlis.

And ther was maad as a space of thre ouris, and his wijf knewe not that thing that was don, and entride.

God enhaunside with his riythond this prince and sauyour, that penaunce were yyue to Israel, and remyssioun of synnes.

And alle men that seten in the counsel bihelden hym, and sayn his face as the face of an aungel.

Thanne he wente out of the loond of Caldeis, and dwelte in Carram. And fro thens aftir that his fader was deed, he translatide him in to this loond, in which ye dwellen now.

And he yaf not to hym eritage in it, nethir a paas of a foot, but he bihiyte to yyue hym it in to possessioun, and to his seed aftir hym, whanne he hadde not a sone.

And God spak to hym, That his seed schal be comling in an alien lond, and thei schulen make hem suget to seruage, and schulen yuel trete hem, foure hundrid yeris and thritti;

And God was with hym, and delyuerede hym of alle hise tribulaciouns, and yaf to hym grace and wisdom in the siyt of Farao, king of Egipt. And he ordeynede hym souereyn on Egipt, and on al his hous.

And in the secounde tyme Joseph was knowun of hise britheren, and his kyn was maad knowun to Farao.

And Joseph sente, and clepide Jacob, his fadir, and al his kynrede, seuenti and fyue men.

In the same tyme Moyses was borun, and he was louyd of God; and he was norischid thre monethis in the hous of his fadir.

And Moises was lerned in al the wisdom of Egipcians, and he was myyti in his wordis and werkis.

But whanne the tyme of fourti yeer was fillid to hym, it roos vp `in to his herte, that he schulde visite hise britheren, the sones of Israel.

For he gesside that his britheren schulden vndurstonde, that God schulde yyue to hem helthe bi the hoond of hym; but thei vndurstoden not.

But he that dide the wronge to his neiybore, puttide hym awey, and seide, Who ordeynede thee prince and domesman on vs?

But Saul was consentynge to his deth. And greet persecucioun was maad that dai in the chirche, that was in Jerusalem. And alle men weren scatered bi the cuntrees of Judee and Samarie, outakun the apostlis.

And thei leueden hym, for long tyme he hadde maddid hem with his witche craftis.

And he turnede ayen, sittinge on his chare, and redinge Isaie, the profete.