Read the Bible

¹ Filiorum Core. PSALMUS. Canticum. Fundamenta eius in montibus sanctis; ² diligit Dominus portas Sion super omnia tabernacula Iacob. ³ Gloriosa dicta sunt de te, civitas Dei! -

⁴ Memor ero Rahab et Babylonis inter scientes me; ecce Philistaea et Tyrus cum Aethiopia: hi nati sunt illic. ⁵ Et de Sion dicetur: "Hic et ille natus est in ea; et ipse firmavit eam Altissimus". ⁶ Dominus referet in librum populorum: "Hi nati sunt illic". ⁷ Et cantant sicut choros ducentes: "Omnes fontes mei in te".