Study Desk

Strengthe schal dwelle in his necke, and nedynesse schal go bifor his face.

His herte schal be maad hard as a stoon; and it schal be streyned togidere as the anefeld of a smith.

Y woot, that thou maist alle thingis, and no thouyt is hid fro thee [Note: Joob wiste wel, that in remembringe his riytfulnesse he suffride sum stiring of veynglorie, which is wont to come liytly in siche thingis, yhe, in men that ben perfit. in preisinge my riytfulnesse. in enqueringe ouer myche the resouns of Goddis domes. ].

Therfor take ye to you seuene bolis, and seuene rammes; and go ye to my seruaunt Joob, and offre ye brent sacrifice for you. Forsothe Joob, my seruaunt, schal preie for you; Y schal resseyue his face, that foli be not arettid to you [Note: to euerlastinge peyne. ]; for ye `spaken not bifor me riytful thing, as my seruaunt Joob dide.

Sotheli alle hise britheren, and alle hise sistris, and alle that knewen hym bifore, camen to hym; and thei eeten breed with hym in his hows, and moueden the heed on hym; and thei coumfortiden hym of al the yuel, which the Lord hadde brouyt in on hym; and thei yauen to hym ech man o scheep, and o goldun eere ring.

But his wille is in the lawe of the Lord; and he schal bithenke in the lawe of hym dai and nyyt.

And he schal be as a tree, which is plauntid bisidis the rennyngis of watris; which tre schal yyue his fruyt in his tyme. And his leef schal not falle doun; and alle thingis which euere he schal do schulen haue prosperite.

The kyngis of erthe stoden togidere; and princes camen togidere ayens the Lord, and ayens his Crist?

Thanne he schal speke to hem in his ire; and he schal disturble hem in his stronge veniaunce.

Forsothe Y am maad of hym a kyng on Syon, his hooli hil; prechynge his comaundement.

Take ye lore; lest the Lord be wrooth sumtyme, and lest ye perischen fro iust waie. Whanne his `ire brenneth out in schort tyme; blessed ben alle thei, that tristen in hym.

The title of the thridde salm. `The salm of Dauid, whanne he fledde fro the face of Absolon, his sone.

many men rysen ayens me. Many men seien of my soule, Noon helthe is to hym in his God.

With my vois Y criede to the Lord; and he herde me fro his hooli hil.

And wite ye, that the Lord hath maad merueilous his hooli man; the Lord schal here me, whanne Y schal crye to hym.

If ye ben `not conuertid, he schal florische his swerd; he hath bent his bouwe, and made it redi.

And therynne he hath maad redi the vessels of deth; he hath fulli maad his arewis with brennynge thingis.

His sorewe schal be turned in to his heed; and his wickidnesse schal come doun in to his necke.

I schal knouleche to the Lord bi his riytfulnesse; and Y schal synge to the name of the hiyeste Lord.

and the Lord dwellith with outen ende. He made redi his trone in doom; and he schal deme the world in equite,