Study Desk

His soule schal dwelle in goodis; and his seed schal enerite the lond.

The Lord is a sadnesse to men dredynge hym; and his testament is, that it be schewid to hem.

I axide of the Lord o thing; Y schal seke this thing; that Y dwelle in the hows of the Lord alle the daies of my lijf. That Y se the wille of the Lord; and that Y visite his temple.

For he hidde me in his tabernacle in the dai of yuelis; he defendide me in the hid place of his tabernacle.

He enhaunside me in a stoon; and now he enhaunside myn heed ouer myn enemyes. I cumpasside, and offride in his tabernacle a sacrifice of criyng; Y schal synge, and Y schal seie salm to the Lord.

The Lord is the strengthe of his puple; and he is defendere of the sauyngis of his crist.

Brynge ye to the Lord glorie and onour; brynge ye to the Lord glorie to his name; herie ye the Lord in his hooli large place.

The vois of the Lord makynge redi hertis, and he schal schewe thicke thingis; and in his temple alle men schulen seie glorie.

The Lord schal yyue vertu to his puple; the Lord schal blesse his puple in pees.

Ye seyntis of the Lord, synge to the Lord; and knowleche ye to the mynde of his hoolynesse.

For ire is in his indignacioun; and lijf is in his wille. Wepyng schal dwelle at euentid; and gladnesse at the morewtid.

Blessid be the Lord; for he hath maad wondurful his merci to me in a strengthid citee.

Blessid is the man, to whom the Lord arrettide not synne; nethir gile is in his spirit.

Heuenes ben maad stidfast bi the word of the Lord; and `al the vertu of tho bi the spirit of his mouth.

But the counsel of the Lord dwellith with outen ende; the thouytis of his herte dwellen in generacioun and into generacioun.

Blessid is the folk, whose Lord is his God; the puple which he chees into eritage to hym silf.

Fro his dwellyng place maad redi bifor; he bihelde on alle men, that enhabiten the erthe.

A kyng is not sauyd bi myche vertu; and a giaunt schal not be sauyd in the mychilnesse of his vertu.

An hors is false to helthe; forsothe he schal not be sauyd in the habundaunce, `ether plentee, of his vertu.

Lo! the iyen of the Lord ben on men dredynge hym; and in hem that hopen on his merci.