Study Desk

Which also oure fadris token with Jhesu, and brouyten in to the possessioun of hethene men, whiche God puttide awey fro the face of oure fadris, til in to the daies of Dauid,

that fonde grace anentis God, and axide that he schulde fynde a tabernacle to God of Jacob.

But the hiy God dwellith not in thingis maad bi hoond,

But whanne Steuene was ful of the Hooli Goost, he bihelde in to heuene, and say the glorie of God, and Jhesu stondinge on the riythalf of the vertu of God.

And he seide, Lo! Y se heuenes openyd, and mannus sone stondynge on the riythalf of the vertu of God.

And thei stonyden Steuene, that clepide God to help, seiynge, Lord Jhesu, resseyue my spirit.

And thei that weren scaterid, passiden forth, prechynge the word of God.

Whom alle herkeneden, fro the leest to the moost, and seiden, This is the vertu of God, which is clepid greet.

But whanne thei hadden bileued to Filip, `that prechide of the kingdom of God, men and wymmen weren baptisid in the name of Jhesu Crist.

But whanne the apostlis that weren at Jerusalem, hadden herd that Samarie hadde resseyued the word of God, thei senten to hem Petre and Joon.

But Petir seide to hym, Thi money be with thee into perdicioun, for thou gessidist the yifte of God schulde be had for monei.

Ther is no part, ne sort to thee, in this word, for thin herte is not riytful bifor God.

Therfor do thou penaunce for this wickidnesse of thee, and preie God, if perauenture this thouyt of thin herte be foryouun to thee.

And Filip seide, If thou bileuest of al the herte, it is leueful. And he answeride, and seide, Y bileue that Jhesu Crist is the sone of God.

And anoon he entride in to the synagogis, and prechide the Lord Jhesu, for this is the sone of God.

This say in a visioun opinli, as in the nynthe oure of the dai, an aungel of God entringe in to hym, and seiynge to hym, Cornelie.

And eft the secounde tyme the vois was maad to him, That thing that God hath clensid, seye thou not vnclene.

And thei seiden, Cornelie, the centurien, a iust man, and dredinge God, and hath good witnessyng of alle the folc of Jewis, took aunswere of an hooli aungel, to clepe thee in to his hous, and to here wordis of thee.

And he seide to hem, Ye witen, how abhomynable it is to a Jewe, to be ioyned ether to come to an alien; but God schewide to me, that no man seye a man comyn, ethir vnclene.

Cornelie, thi preier is herd, and thin almesdedis ben in mynde in the siyt of God.