Study Desk

And Petre openyde his mouth, and seide, In trewthe Y haue foundun, that God is no acceptor of persoones;

but in eche folk he that dredith God, and worchith riytwisnesse, is accept to hym.

God sente a word to the children of Israel, schewinge pees bi Jhesu Crist; this is Lord of alle thingis.

hou God anoyntide hym with the Hooli Goost, and vertu; which passide forth in doynge wel, and heelynge alle men oppressid of the deuel, for God was with hym.

And God reiside this in the thridde dai, and yaf hym to be maad knowun,

not to al puple, but to witnessis bifor ordeyned of God; to vs that eeten and drunken with hym, after that he roos ayen fro deth.

And he comaundide to vs to preche to the puple, and to witnesse, that he it is, that is ordeyned of God domesman of the quyk and of deede.

For thei herden hem spekynge in langagis, and magnyfiynge God.

And the apostlis, and the britheren that weren in Judee, herden that also hethene men resseyueden the word of God, and thei glorifieden God.

And the vois answeride the secounde tyme fro heuene, That thing that God hath clensid, seie thou not vnclene.

Therfor if God yaf to hem the same grace, as to vs that bileueden in the Lord Jhesu Crist, who was Y, that myyte forbeede the Lord, that he yyue not the Hooli Goost to hem that bileueden in the name of Jhesu Crist?

Whanne these thingis weren herd, thei helden pees, and glorifieden God, and seiden, Therfor also to hethene men God hath youun penaunce to lijf.

And Petre was kept in prisoun; but preier was maad of the chirche with out ceessing to God for hym.

And the puple criede, The voicis of God, and not of man.

And anoon an aungel of the Lord smoot hym, for he hadde not youun onour to God; and he was wastid of wormes, and diede.

And whanne thei camen to Salamyne, thei prechiden the word of God in the synagogis of Jewis; and thei hadden also Joon in mynystrie.

that was with the proconsul Sergius Paule, a prudent man. This clepide Barnabas and Poul, and desiride to here the word of God.

And Poul roos, and with hoond baad silence, and seide, Men of Israel, and ye that dreden God, here ye.

God of the puple of Israel chees oure fadris, and enhaunside the puple, whanne thei weren comelingis in the loond of Egipt, and in an hiy arme he ledde hem out of it;

And fro that tyme thei axiden a kyng, and God yaf to hem Saul, the sone of Cis, a man of the lynage of Beniamyn, bi fourti yeeris.