Study Desk

Anothir of his disciplis seide to him, Lord, suffre me to go first, and birie my fader.

And whanne he was goon vp in to a litil schip, his disciplis sueden hym.

And Jhesus wente vp in to a boot, and passide ouer the watir, and cam in to his citee.

And he roos, and wente in to his hous.

And lo! a womman, that hadde the blodi flux twelue yere, neiyede bihynde, and touchide the hem of his cloth.

Therfor preye ye the lord of the ripe corn, that he sende werke men in to his ripe corn.

And whanne his twelue disciplis weren clepid togidere, he yaf to hem powere of vnclene spiritis, to caste hem out of men, and to heele eueri langour, and sijknesse.

And these ben the names of the twelue apostlis; the firste, Symount, that is clepid Petre, and Andrew, his brothir; James of Zebede, and Joon, his brothir; Filip, and Bartholomeu;

nether twei cootis, nethir shoon, nether a yerde; for a werkman is worthi his mete.

it is ynowy to the disciple, that he be as his maistir, and to the seruaunt as his lord. If thei han clepid the hosebonde man Belsabub, hou myche more his houshold meyne?

For Y cam to departe a man ayens his fadir, and the douytir ayens hir modir, and the sones wijf ayens the housbondis modir;

And he that takith not his croos, and sueth me, is not worthi to me.

He that fyndith his lijf, shal lose it; and he that lesith his lijf for me, shal fynde it.

And who euer yyueth drynke to oon of these leeste a cuppe of coolde watir oonli in the name of a disciple, treuli Y seie to you, he shal not leese his mede.

He shal not stryue, ne crye, nethir ony man shal here his voice in stretis.

and hethene men schulen hope in his name.

And if Satanas castith out Satanas, he is departid ayens him silf; therfor hou schal his kingdom stonde?

Ethir hou may ony man entre in to the hous of a stronge man, and take awey hise vesselis, but `he first bynde the stronge man, and thanne he schal spuyle his hous?

Ethir make ye the tree good, and his fruyt good; ether make ye the tree yuel and his fruyt yuel; for a tree is knowun of the fruyt.

Yit whil he spak to the puple, lo! his modir and his bretheren stoden withouteforth, sekynge to speke to hym.