Study Desk

Eche of vs plese to his neiybore in good, to edificacioun.

And eft he seith, Ye hethene men, be ye glad with his puple.

Grete wel Rufus, chosun in the Lord, and his modir, and myn.

Grete wel Filologus, and Julian, and Nereum, and his sistir, and Olympiades, and alle the seyntis that ben with hem.

`A trewe God, bi whom ye ben clepid in to the felouschipe of his sone Jhesu Crist oure Lord.

that ech man haue not glorie in his siyt.

but God schewide to vs bi his spirit. For whi the spirit serchith alle thingis, yhe, the depe thingis of God.

And he that plauntith, and he that moistith, ben oon; and ech schal take his owne mede, aftir his trauel.

In al maner fornycacioun is herd among you, and siche fornycacioun, which is not among hethene men, so that summan haue the wijf of his fadir.

Y seie to make you aschamed. So ther is not ony wise man, that may deme bitwixe a brothir and his brothir;

For God reiside the Lord, and schal reise vs bi his vertu.

Fle ye fornycacioun; al synne what euere synne a man doith, is with out the bodi; but he that doith fornycacioun, synneth ayens his bodi.

But for fornycacioun eche man haue his owne wijf, and ech womman haue hir owne hosebonde.

The womman hath not power of hir bodi, but the hosebonde; and the hosebonde hath not power of his bodi, but the womman.

For Y wole, that alle men be as my silf. But eche man hath his propre yifte of God; oon thus, and another thus.

And if ony man gessith hym silf to be seyn foule on his virgyn, that sche is ful woxun, and so it bihoueth to be doon, do sche that that sche wole; sche synneth not, if sche be weddid.

For he that ordeynede stabli in his herte, not hauynge nede, but hauynge power of his wille, and hath demed in his herte this thing, to kepe his virgyn, doith wel.

Therfore he that ioyneth his virgyn in matrymonye, doith wel; and he that ioyneth not, doith betere.

For if ony man schal se hym, that hath kunnyng, etynge in a place where idols ben worschipid, whethir his conscience, sithen it is sijke, schal not be edified to ete thingis offrid to idols?

Who traueilith ony tyme with hise owne wagis? Who plauntith a vynyerd, and etith not of his fruyt? Who kepith a flok, and etith not of the mylk of the flok?