Study Desk

But vnfeithful men schulen be lost fro the loond; and thei that doen wickidli, schulen be takun awey fro it.

Nedinesse is sent of the Lord in the hous of a wickid man; but the dwelling places of iust men schulen be blessid.

For thei slepen not, `no but thei han do yuele; and sleep is rauyschid fro hem, no but thei han disseyued.

But the path of iust men goith forth as liyt schynynge, and encreessith til to perfit dai.

Bowe thou not to the riytside, nether to the leftside; turne awei thi foot fro yuel. For the Lord knowith the weies that ben at the riytside; but the weies ben weiward, that ben at the leftside. Forsothe he schal make thi goyngis riytful; and thi weies schulen be brouyt forth in pees.

but the last thingis ben bittir as wormod, and hir tunge is scharp as a swerd keruynge on ech side.

For the prijs of an hoore is vnnethe of o loof; but a womman takith the preciouse soule of a man.

But he that is avouter; schal leese his soule, for the pouert of herte.

Mi sone, kepe thou my wordis; and kepe myn heestis to thee. Sone, onoure thou the Lord, and thou schalt be `myyti; but outakun hym drede thou not an alien.

But he that synneth ayens me, schal hurte his soule; alle that haten me, louen deeth.

The parablis of Salomon. A wijs sone makith glad the fadir; but a fonned sone is the sorewe of his modir.

Tresouris of wickidnesse schulen not profite; but riytfulnesse schal delyuere fro deth.

A slow hond hath wrouyt nedynesse; but the hond of stronge men makith redi richessis. Forsothe he that enforsith to gete `ony thing bi leesyngis, fedith the wyndis; sotheli the same man sueth briddis fleynge.

He that gaderith togidere in heruest, is a wijs sone; but he that slepith in sommer, is a sone of confusioun.

The blessing of God is ouer the heed of a iust man; but wickidnesse hilith the mouth of wickid men.

He that goith simpli, goith tristili; but he that makith schrewid hise weies, schal be opyn.

The veyne of lijf is the mouth of a iust man; but the mouth of wickid men hilith wickidnesse.

Wise men hiden kunnyng; but the mouth of a fool is nexte to confusioun.

The werk of a iust man is to lijf; but the fruyt of a wickid man is to synne.

The weie of lijf is to him that kepith chastising; but he that forsakith blamyngis, errith.