Study Desk

but rather go ye to the scheep of the hous of Israel, that han perischid.

And if thilk hous be worthi, youre pees schal come on it; but if that hous be not worthi, youre pees schal turne ayen to you.

But be ye war of men, for thei schulen take you in counseilis, and thei schulen bete you in her synagogis;

But whanne thei take you, nyle ye thenke, hou or what thing ye schulen speke, for it shal be youun `to you in that our, what ye schulen speke;

for it ben not ye that speken, but the spirit of youre fadir, that spekith in you.

And ye schulen be in hate to alle men for my name; but he that shall dwelle stille in to the ende, shal be saaf.

And nyle ye drede hem that sleen the bodi; for thei moun not sle the soule; but rather drede ye hym, that mai lese bothe soule and bodi in to helle.

But he that shal denye me bifor men, and I shal denye him bifor my fadir that is in heuenes.

Nile ye deme, that Y cam to sende pees in to erthe; Y cam not to sende pees, but swerd.

But whanne Joon in boondis hadde herd the werkis of Crist, he sente tweyne of hise disciplis,

But what thing wenten ye out to se? a prophete? Yhe, Y seie to you, and more than a prophete.

Treuli Y seie to you, ther roos noon more than Joon Baptist among the children of wymmen; but he that is lesse in the kyngdom of heuenes, is more than he.

But to whom schal Y gesse this generacioun lijk? It is lijk to children sittynge in chepyng, that crien to her peeris,

Alle thingis ben youune to me of my fadir; and no man knewe the sone, but the fadir, nethir ony man knewe the fadir, but the sone, and to whom the sone wolde schewe.

hou he entride in to the hous of God, and eet looues of proposicioun, whiche looues it was not leueful to hym to ete, nether to hem that weren with hym, but to prestis aloone?

But the Farisees herden, and seiden, He this casteth not out feendis, but in Belsabub, prince of feendis.

But if Y in the Spirit of God caste out feendis, thanne the kyngdom of God is comen in to you.

Ethir hou may ony man entre in to the hous of a stronge man, and take awey hise vesselis, but `he first bynde the stronge man, and thanne he schal spuyle his hous?

Therfor I seie to you, al synne and blasfemye shal be foryouun to men, but `the spirit of blasfemye shal not be foryouun.

And who euere seith a word ayens mannus sone, it shal be foryouun to him; but who that seieth a word ayens the Hooli Goost, it shal not be foryouun to hym, nether in this world, ne in `the tothir.