Study Desk

Which answeride, and seide to hem, An yuel kynrede and a spouse brekere sekith a tokene, and a tokene shal not be youun to it, but the tokene of Jonas, the prophete.

But othere seedis felden in to stony places, where thei hadden not myche erthe; and anoon thei sprongen vp, for thei hadden not depnesse of erthe.

But whanne the sonne was risun, thei swaliden, and for thei hadden not roote, thei drieden vp.

But othere seedis felden in to good lond, and yauen fruyt; summe an hundrid foold, an othir sixti foold, an othir thritti foold.

And he answeride, and seide to hem, `For to you it is youun to knowe the priuytees of the kyngdom of heuenes; but it is not youun to hem.

For it shal be youun to hym that hath, and he shal haue plente; but if a man hath not, also that thing that he hath shal be takun awei fro hym.

But youre iyen that seen ben blesside, and youre eeris that heren.

But this that is sowun on the stony loond, this it is, that herith the word of God, and anoon with ioye takith it.

And he hath not roote in hym silf, but is temporal. For whanne tribulacioun and persecucioun is maad for the word, anoon he is sclaundrid.

But he that is sowun in thornes, is this that heerith the word, and the bisynesse of this world, and the fallace of ritchessis strangulith the word, and it is maad with outen fruyt.

But he that is sowun in to good loond, is this that herith the word, and vnderstondeth, and bryngith forth fruyt. And summe makith an hundrid fold, treuli anothir sixti fold, and another thritti fold.

But whanne the erbe was growed, and made fruyt, thanne the taris apperiden.

Suffre ye hem bothe to wexe in to repyng tyme; and in the tyme of ripe corne Y shal seie to the reperis, First gadere ye to gidere the taris, and bynde hem to gidere in knytchis to be brent, but gadere ye whete in to my berne.

Which is the leeste of alle seedis, but whanne it hath woxen, it is the moste of alle wortis, and is maad a tre; so that briddis of the eir comen, and dwellen in the bowis therof.

the feeld is the world; but the good seed, these ben sones of the kyngdom, but taris, these ben yuele children;

but whanne he hath foundun o precious margarite, he wente, and selde alle thingis that he hadde, and bouyte it.

which whanne it was ful, thei drowen vp, and seten bi the brenke, and chesen the goode in to her vessels, but the yuel thei kesten out.

And so thei weren sclaundrid in hym. But Jhesus seide to hem, A profete is not with oute worschip, but in his owen cuntre, and in his owen hous.

But in the dai of Heroudis birthe, the douytir of Herodias daunside in the myddil, and pleside Heroude.

And the kyng was sorewful, but for the ooth, and for hem that saten to gidere at the mete, he comaundide to be youun.