Study Desk

He seith to hem, Ye schulen drinke my cuppe; but to sitte at my riythalf or lefthalf, it is not myn to yyue to you; but to whiche it is maad redi of my fadir.

But Jhesus clepide hem to hym, and seide, Ye witen, that princis of hethene men ben lordis of hem, and thei that ben gretter, vsen power on hem.

It schal not be so among you; but who euer wole be maad gretter among you, be he youre mynystre;

As mannus sone cam not to be seruyd, but to serue, and to yyue his lijf redempcioun for manye.

But the puple seide, This is Jhesus, the prophete, of Nazareth of Galilee.

And he seith to hem, It is writun, Myn hous schal be clepid an hous of preier; but ye han maad it a denne of theues.

But the princis of prestis and scribis, seynge the merueilouse thingis that he dide, and children criynge in the temple, and seiynge, Osanna to the sone of Dauid, hadden indignacioun,

But on the morowe, he, turnynge ayen in to the citee, hungride.

And he saye a fige tree bisidis the weie, and cam to it, and foond no thing ther ynne but leeues oneli. And he seide to it, Neuer fruyt come forth of thee, in to with outen eende, And anoon the fige tre was dried vp.

And Jhesus answeride, and seide to hem, Treuli Y seie to you, if ye haue feith, and douten not, not oonli ye schulen do of the fige tree, but also if ye seyn to this hil, Take, and caste thee in to the see, it schal be don so.

But what semeth to you? A man hadde twey sones; and he cam to the firste, and seide, Sone, go worche this dai in my vyneyerd.

And he answeride, and seide, Y nyle; but afterward he forthouyte, and wente forth.

But he cam to `the tother, and seide on lijk maner. And he answeride, and seide, Lord, Y go; and he wente not.

For Joon cam to you in the weie of riytwisnesse, and ye bileueden not to him; but pupplicans and hooris bileueden to hym. But ye sayn, and hadden no forthenkyng aftir, that ye bileueden to hym.

But whanne the tyme of fruytis neiyede, he sente his seruauntis to the erthe tilieris, to take fruytis of it.

But the erthe tilieris, seynge the sone, seiden with ynne hem silf, This is the eire; come ye, sle we hym, and we schulen haue his eritage.

And he that schal falle on this stoon, schal be brokun; but on whom it schal falle, it schal al tobrise hym.

And thei souyten to holde hym, but thei dredden the puple, for thei hadden hym as a prophete.

But thei dispisiden, and wenten forth, oon in to his toun, anothir to his marchaundise.

But othere helden his seruauntis, and turmentiden hem, and slowen.