Study Desk

He schal spare it, and schal not forsake it; and schal hide in his throte.

His breed in his wombe schal be turned in to galle of snakis withynne.

He schal spue out the richessis, whiche he deuouride; and God schal drawe tho ritchessis out of his wombe.

He schal suffre peyne for alle thingis whiche he hath do, netheles he schal not be wastid; aftir the multitude of his fyndyngis, so and `he schal suffre.

And his wombe was not fillid; and whanne he hath that, that he couetide, he may not holde in possessioun.

`No thing lefte of his mete; and therfor no thing schal dwelle of his goodis.

`Y wolde, that his wombe be fillid, that he sende out in to hym the ire of his strong veniaunce, and reyne his batel on hym.

Led out, and goynge out `of his schethe, and schynynge, `ether smytinge with leit, `in to his bittirnesse; orrible fendis schulen go, and schulen come on hym.

Alle derknessis ben hid in hise priuytees; fier, which is not teendid, schal deuoure hym; he schal be turmentid left in his tabernacle.

Heuenes schulen schewe his wickidnesse; and erthe schal rise togidere ayens hym.

The seed of his hows schal be opyn; it schal be drawun doun in the dai of the strong veniaunce of the Lord.

Hou ofte schal the lanterne of wickid men be quenchid, and flowing schal come on hem, and God schal departe the sorewis of his stronge veniaunce?

For whi what perteyneth it to hym of his hows aftir hym, thouy the noumbre of his monethis be half takun awey?

Sotheli anothir wickid man dieth in the bittirnesse of his soule, and with outen ony richessis.

A cloude is his hidyng place, and he biholdith not oure thingis, and he `goith aboute the herris of heuene.

Take thou the lawe of his mouth, and sette thou hise wordis in thin herte.

Who yyueth to me, that Y knowe, and fynde hym, and come `til to his trone?

Y nyle, that he stryue with me bi greet strengthe, nether oppresse me with the heuynesse of his greetnesse.

My foot suede hise steppis; Y kepte his weie, and Y bowide not awey fro it.

Y yede not awei fro the comaundementis of hise lippis; and Y hidde in my bosum the wordis of his mouth.