Study Desk

And he schal be my sauyour; for whi ech ypocrite schal not come in his siyt.

The daies of man ben schorte, the noumbre of his monethis is at thee; thou hast set, ethir ordeyned, hise termes, whiche moun not be passid.

Therfor go thou awey fro hym a litil, `that is, bi withdrawyng of bodili lijf, that he haue reste; til the meede coueitid come, and his dai is as the dai of an hirid man.

so a man, whanne he hath slept, `that is, deed, he schal not rise ayen, til heuene be brokun, `that is, be maad newe; he schal not wake, nether he schal ryse togidere fro his sleep.

An hil fallynge droppith doun; and a rooche of stoon is borun ouer fro his place.

Thou madist a man strong a litil, that he schulde passe with outen ende; thou schalt chaunge his face, and schalt sende hym out.

Netheles his fleisch, while he lyueth, schal haue sorewe, and his soule schal morne on hym silf.

Whether a wise man schal answere, as spekynge ayens the wynd, and schal fille his stomac with brennyng, `that is, ire?

Whether thou herdist the counsel of God, and his wisdom is lower than thou?

Lo! noon among hise seyntis is vnchaungable, and heuenes ben not cleene in his siyt.

A wickid man is proud in alle hise daies; and the noumbre of hise yeeris and of his tirauntrie is vncerteyn.

Whanne he stirith hym to seke breed, he woot, that the dai of derknessis is maad redi in his hond.

For he helde forth his hond ayens God, and he was maad strong ayens Almyyti God.

Fatnesse, that is, pride `comyng forth of temporal aboundaunce, hilide his face, `that is, the knowyng of vndurstondyng, and outward fatnesse hangith doun of his sidis.

He schal not be maad riche, nether his catel schal dwelle stidefastli; nether he schal sende his roote in the erthe,

nether he schal go awei fro derknessis. Flawme schal make drie hise braunchis, and he schal be takun a wey bi the spirit of his mouth.

he schal be hirt as a vyne in the firste flour of his grape, and as an olyue tre castinge awei his flour.

He conseyuede sorewe, and childide wickidnesse, and his wombe makith redi tretcheries.

He gaderide togidere his woodnesse in me, and he manaasside me, and gnastide ayens me with his teeth; myn enemye bihelde me with ferdful iyen.

And `Y wolde, that a man were demed so with God, as the sone of man is demed with his felowe.