Study Desk

For he is aloone, and no man may turne awei hise thouytis; and what euer thing he wolde, his wille dide this thing.

Whanne he hath fillid his wille in me, also many othere lijk thingis ben redi to hym.

And therfor Y am disturblid of his face, and Y biholdynge hym am anguyschid for drede.

Thei kitten doun a feeld not hern, and thei gaderen grapis of his vyner, whom thei han oppressid bi violence.

The iye of avouter kepith derknesse, and seith, An yye schal not se me; and he schal hile his face.

He is vnstablere than the face of the water; his part in erthe be cursid, and go he not bi the weie of vyneris.

Merci foryete hym; his swetnesse be a worm; be he not in mynde, but be he al to-brokun as `a tre vnfruytful.

He drow doun stronge men in his strengthe; and whanne he stondith in `greet state, he schal not bileue to his lijf.

Whether noumbre is of hise knyytis? and on whom schyneth not his liyt?

Lo! also the moone schyneth not, and sterris ben not cleene in `his siyt;

`Whych God holdith the cheer of his seete, and spredith abrood theron his cloude.

The pilers of heuene tremblen, and dreden at his wille.

In the strengthe of hym the sees weren gaderid togidere sudeynly, and his prudence smoot the proude.

His spiryt ournede heuenes, and the crokid serpent was led out bi his hond, ledynge out as a mydwijf ledith out a child.

Lo! these thingis ben seid in partie of `hise weyes; and whanne we han herd vnnethis a litil drope of his word, who may se the thundur of his greetnesse?

Also Joob addide, takynge his parable, and seide,

For what is the hope of an ypocrite, if he rauyschith gredili, and God delyuerith not his soule?

As a mouyte he hath bildid his hous, and as a kepere he made a schadewyng place.

Brennynge wynd schal take hym, and schal do awei; and as a whirlewynd it schal rauysche hym fro his place.

He schal sende out turmentis on hym, and schal not spare; he fleynge schal `fle fro his hond.