Study Desk

For the word of the cros is foli to hem that perischen; but to hem that ben maad saaf, that is to seie, to vs, it is the vertu of God.

but we prechen Crist crucified, to Jewis sclaundre, and to hethene men foli;

but to tho Jewis and Grekis that ben clepid, we prechen Crist the vertu of God and the wisdom of God.

But, britheren, se ye youre clepyng; for not many wise men aftir the fleisch, not many myyti, not many noble.

But God chees tho thingis that ben fonned of the world, to confounde wise men;

But of hym ye ben in Crist Jhesu, which is maad of God to vs wisdom, and riytwisnesse, and holynesse, and ayenbiyng; that,

For Y demede not me to kunne ony thing among you, but Crist Jhesu, and hym crucified.

and my word and my preching was not in suteli sturyng wordis of mannus wisdom, but in schewyng of spirit and of vertu;

that youre feith be not in the wisdom of men, but in the vertu of God.

For we speken wisdom among perfit men, but not wisdom of this world, nether of princes of this world, that ben distried;

but we speken the wisdom of God in mysterie, `which wisdom is hid; which wisdom God bifor ordeynede bifor worldis in to oure glorie,

But as it is writun, That iye say not, ne eere herde, nether it stiede in to herte of man, what thingis God arayede to hem that louen hym;

but God schewide to vs bi his spirit. For whi the spirit serchith alle thingis, yhe, the depe thingis of God.

And who of men woot, what thingis ben of man, but the spirit of man that is in hym? So what thingis ben of God, no man knowith, but the spirit of God.

And we han not resseiued the spirit of this world, but the spirit that is of God, that we wite what thingis ben youun to vs of God.

Whiche thingis we speken also, not in wise wordis of mannus wisdom, but in the doctryn of the spirit, and maken a liknesse of spiritual thingis to goostli men.

But a spiritual man demeth alle thingis, and he is demed of no man.

And Y, britheren, myyte not speke to you as to spiritual men, but as to fleischli men;

For whanne summe seith, Y am of Poul, another, But Y am of Apollo, whethir ye ben not men? What therfor is Apollo, and what Poul?

Y plauntide, Apollo moystide, but God yaf encreessyng.