Study Desk

Therfor nether he that plauntith is ony thing, nethir he that moistith, but God that yiueth encreessyng.

Aftir the grace `of God that is youun to me, as a wise maistir carpenter Y settide the foundement; and another bildith aboue. But ech man se, hou he bildith aboue.

If ony mannus werk brenne, he schal suffre harm; but he schal be saaf, so netheles as bi fier.

And to me it is for the leest thing, that Y be demyd of you, or of mannus dai; but nether Y deme my silf.

For Y am no thing ouer trowynge to my silf, but not in this thing Y am iustified; for he that demeth me, is the Lord.

We foolis for Crist, but ye prudent in Crist; we sike, but ye stronge; ye noble, but we vnnoble.

Y write not these thingis, that Y confounde you, but Y warne as my moste dereworthe sones.

For whi if ye han ten thousynde of vndur maistris in Crist, but not many fadris; for in Crist Jhesu Y haue gendrid you bi the gospel.

but Y schal come to you soone, if God wole; and Y schal knowe not the word of hem that ben blowun with pride, but the vertu.

For the rewme of God is not in word, but in vertu.

And Y absent in bodi, but present in spirit, now haue demyd as present hym that hath thus wrouyt, whanne

Therfor ete we, not in eld sourdowy, nether in sourdowy of malice and weywardnesse, but in therf thingis of clernesse and of treuthe.

But now Y wroot to you, that ye be not meynd. But if he that is named a brother among you, and is a letchour, or coueitouse, or seruynge to ydols, or cursere, or ful of drunkenesse, or raueynour, to take no mete with siche.

but a brothir with brothir stryueth in dom, and that among vnfeithful men.

But and ye doen wrong, and doen fraude, and that to britheren.

And ye weren sum tyme these thingis; but ye ben waischun, but ye ben halewid, but ye ben iustefied in the name of oure Lord Jhesu Crist, and in the spirit of oure God.

Alle thingis ben leeueful to me, but not alle thingis ben spedeful. Alle thingis ben leeueful to me, but Y schal not be brouyt doun vndur ony mannus power.

Mete to the wombe, and the wombe to metis; and God schal distruye bothe this and that. And the bodi not to fornycacioun, but to the Lord, and the Lord to the bodi.

Fle ye fornycacioun; al synne what euere synne a man doith, is with out the bodi; but he that doith fornycacioun, synneth ayens his bodi.

But of thilke thingis that ye han write to me, it is good to a man to touche not a womman.