Study Desk

For oure lijf is maad low in dust; oure wombe is glued togidere in the erthe.

Lord, rise vp thou, and helpe vs; and ayenbie vs for thi name.

The title of the foure and fourtithe salm. To the ouercomere for the lilies, the most loued song of lernyng of the sones of Chore. Myn herte hath teld out a good word; Y seie my workis `to the kyng. Mi tunge is `a penne of a writere; writynge swiftli.

Biholde thou in thi schaplynesse and thi fairnesse; come thou forth with prosperite, and regne thou. For treuthe, and myldenesse, and riytfulnesse; and thi riyt hond schal lede forth thee wondurfuli.

And the kyng schal coueyte thi fairnesse; for he is thi Lord God, and thei schulen worschipe hym.

Sones ben borun to thee, for thi fadris; thou schalt ordeyne hem princes on al erthe.

The title of the five and fourtithe salm. To the ouercomere, the song of the sones `of Chore, `for yongthis. Oure God, thou art refuyt, and vertu; helpere in tribulacions, that han founde vs greetly.

For the Lord is hiy and ferdful; a greet kyng on al erthe.

For God is kyng of al erthe; synge ye wiseli.

The princes of puplis ben gaderid togidere with God of Abraham; for the stronge goddis of erthe ben reisid greetli.

For lo! the kyngis of erthe weren gaderid togidere; thei camen into o place.

The hil of Sion be glad, and the douytris of Judee be fulli ioiful; for thi domes, Lord.

For this is God, oure God, in to withouten ende, and in to the world of world; he schal gouerne vs in to worldis.

As scheep thei ben set in helle; deth schal gnawe hem. And iust men schulen be lordis of hem in the morewtid; and the helpe of hem schal wexe eld in helle, for the glorie of hem.

For whanne he schal die, he schal not take alle thingis; and his glorie schal not go doun with him.

For his soule schal be blessid in his lijf; he schal knouleche to thee, whanne thou hast do wel to hym.

`And heuenes schulen schewe his riytfulnesse; for God is the iuge.

For alle the wyelde beestis of wodis ben myne; werk beestis, and oxis in hillis.

If Y schal be hungry, Y schal not seie to thee; for the world and the fulnesse therof is myn.

For Y knouleche my wickidnesse; and my synne is euere ayens me.