Study Desk

I haue synned to thee aloone, and Y haue do yuel bifor thee; that thou be iustified in thi wordis, and ouercome whanne thou art demed. For lo!

For lo! thou louedist treuthe; thou hast schewid to me the vncerteyn thingis, and pryuy thingis of thi wisdom.

For if thou haddist wold sacrifice, Y hadde youe; treuli thou schalt not delite in brent sacrifices.

Y schal knowleche to thee in to the world, for thou hast do mercy to me; and Y schal abide thi name, for it is good in the siyt of thi seyntis.

Thei clepiden not God; there thei trembliden for drede, where no drede was. For God hath scaterid the boones of hem, that plesen men; thei ben schent, for God hath forsake hem.

For aliens han rise ayens me, and stronge men souyten my lijf; and thei settiden not God bifor her siyt.

For, lo! God helpith me; and the Lord is vptaker of my soule.

Wilfuli Y schal make sacrifice to thee; and, Lord, Y schal knouleche to thi name, for it is good.

For thou delyueridist me fro al tribulacioun; and myn iye dispiside on myn enemyes.

and of the tribulacioun of the synner. For thei bowiden wickidnessis in to me; and in ire thei weren diseseful to me.

Lord, caste thou doun, departe thou the tungis of hem; for Y siy wickidnesse and ayenseiyng in the citee.

For if myn enemye hadde cursid me; sotheli Y hadde suffride. And if he, that hatide me, hadde spoke greet thingis on me; in hap Y hadde hid me fro hym.

Deth come on hem; and go thei doun quyk in to helle. For weiwardnessis ben in the dwelling places of hem; in the myddis of hem.

He schal ayenbie my soule in pees fro hem, that neiyen to me; for among manye thei weren with me.

God schal here; and he that is bifore the worldis schal make hem low. For chaungyng is not to hem, and thei dredden not God;

The title of the fyue and fiftithe salm. `In Ebreu thus, To the ouercomyng on the doumb culuer of fer drawing awei, the comely song of Dauid, whanne Filisteis helden hym in Geth. `In Jeroms translacioun thus, To the ouercomer for the doumb culuer, for it yede awei fer. Dauid meke and symple made this salm, whanne Palesteyns helden hym in Geth.

God, haue thou merci on me, for a man hath defoulid me; al dai he impugnyde, and troublide me.

Myn enemyes defouliden me al dai; for manye fiyteris weren ayens me.

As thei abiden my lijf, for nouyt schalt thou make hem saaf; in ire thou schalt breke togidre puplis.

For thou hast delyuerid my lijf fro deth, and my feet fro slidyng; that Y pleese bifore God in the liyt of hem that lyuen.