Study Desk

The title of the sixte and fiftithe salm. `In Ebreu thus, To the victorie, lese thou not the semeli song, `ether the `swete song of Dauid, `whanne he fledde fro the face of Saul in to the denne. `In Jeroms translacioun thus, For victorie, that thou lese not Dauid, meke and simple, whanne he fledde fro the face of Saul in to the denne. God, haue thou merci on me, haue thou merci on me; for my soule tristith in thee. And Y schal hope in the schadewe of thi wyngis; til wickidnesse passe.

For thi merci is magnified til to heuenes; and thi treuthe til to cloudis.

For in herte ye worchen wickidnesse in erthe; youre hondis maken redi vnriytfulnessis.

And a man schal seie treuli, For fruyt is to a iust man; treuli God is demynge hem in erthe.

For lo! thei han take my soule; stronge men fellen in on me.

Lo! thei schulen speke in her mouth, and a swerd in her lippis; for who herde?

for God is myn vptaker, my God, his mercy schal come byfore me.

Thei schulen be scaterid abrood, for to eete; sotheli if thei ben not fillid, and thei schulen grutche.

But Y schal synge thi strengthe; and eerli Y schal enhaunse thi merci. For thou art maad myn vptaker; and my refuyt, in the dai of my tribulacioun.

Myn helper, Y schal synge to thee; for thou art God, myn vptaker, my God, my mercy.

The title of the nyne and fiftithe salm. `In Ebreu thus, To victorie, on the witnessyng of roose, the swete song of Dauid, to teche, `whanne he fauyte ayens Aram of floodis, and Sirie of Soba; and Joab turnede ayen, and smoot Edom in the `valei of salt pittis, twelue thousynde. `In Jeroms translacioun thus, To the ouercomer for lilies, the witnessing of meke and parfit Dauid, to teche, whanne he fauyte ayens Sirie of Mesopotamye, and Soba, and so forth. God, thou hast put awei vs, and thou hast distried vs; thou were wrooth, and thou hast do merci to vs.

Thou mouedist the erthe, and thou disturblidist it; make thou hool the sorewis therof, for it is moued.

Lord, yyue thou to vs help of tribulacioun; for the heelthe of man is veyn.

Thou laddest me forth, for thou art maad myn hope; a tour of strengthe fro the face of the enemye.

For thou, my God, hast herd my preier; thou hast youe eritage to hem that dreden thi name.

The titil of the oon and sixtithe salm. To the victorie on Iditum, the salm of Dauid. Whether my soule schal not be suget to God; for myn heelthe is of hym.

For whi he is bothe my God, and myn heelthe; my `taker vp, Y schal no more be moued.

Netheles, my soule, be thou suget to God; for my pacience is of hym.

For he is my God, and my saueour; myn helpere, Y schal not passe out.

for thou schalt yelde to ech man bi hise werkis.