Study Desk

desire thou not of his metis, in whom is the breed of `a leesing.

for at the licnesse of a fals dyuynour and of a coniectere, he gessith that, that he knowith not. He schal seie to thee, Ete thou and drinke; and his soule is not with thee.

Thou schalt smyte hym with a yerde, and thou schalt delyuere his soule fro helle.

Wisdom is hiy to a fool; in the yate he schal not opene his mouth.

Aspie thou not, and seke not wickidnesse in the hous of a iust man, nether waste thou his reste.

Whanne thin enemye fallith, haue thou not ioye; and thin herte haue not ful out ioiyng in his fal;

lest perauenture the Lord se, and it displese hym, and he take awei his ire fro hym.

Seie thou not, As he dide to me, so Y schal do to him, and Y schal yelde to ech man aftir his werk.

Do thou awei vnpite fro the cheer of the kyng, and his trone schal be maad stidfast bi riytfulnesse.

A goldun pomel in beddis of siluer is he, that spekith a word in his time.

As the coold of snow in the dai of heruest, so a feithful messanger to hym that sente `thilke messanger, makith his soule to haue reste.

A dart, and a swerd, and a scharp arowe, a man that spekith fals witnessing ayens his neiybore.

and leesith his mentil in the dai of coold. Vynegre in a vessel of salt is he, that singith songis to the worste herte. As a mouyte noieth a cloth, and a worm noieth a tree, so the sorewe of a man noieth the herte.

for thou schalt gadere togidere coolis on his heed; and the Lord schal yelde to thee.

As a citee opyn, and with out cumpas of wallis; so is a man that mai not refreyne his spirit in speking.

Answere thou not to a fool bi his foli, lest thou be maad lijk hym.

Answere thou a fool bi his fooli, lest he seme to him silf to be wijs.

As a dogge that turneth ayen to his spuyng; so is an vnprudent man, that rehersith his fooli.

As a dore is turned in his hengis; so a slow man in his bed.

A slow man hidith hise hondis vndur his armpit; and he trauelith, if he turneth tho to his mouth.