Study Desk

It spedith more to meete a femal bere, whanne the whelpis ben rauyschid, than a fool tristynge to hym silf in his foli.

What profitith it to a fool to haue richessis, sithen he mai not bie wisdom? He that makith his hous hiy, sekith falling; and he that eschewith to lerne, schal falle in to yuels.

A fonned man schal make ioie with hondis, whanne he hath bihiyt for his frend.

He that bithenkith discordis, loueth chidingis; and he that enhaunsith his mouth, sekith fallyng.

A fool is borun in his schenschipe; but nether the fadir schal be glad in a fool.

He that mesurith his wordis, is wijs and prudent; and a lerud man is of preciouse spirit.

A fool resseyueth not the wordis of prudence; `no but thou seie tho thingis, that ben turned in his herte.

The lippis of a fool medlen hem silf with chidyngis; and his mouth excitith stryues.

The mouth of a fool is defoulyng of hym; and hise lippis ben the fallynge of his soule.

He that is neisch, and vnstidfast in his werk, is the brother of a man distriynge hise werkis.

The catel of a riche man is the citee of his strengthe; and as a stronge wal cumpassinge hym.

The spirit of a man susteyneth his feblenesse; but who may susteyne a spirit liyt to be wrooth?

The yift of a man alargith his weie; and makith space to hym bifore princes.

A iust man is the first accusere of hym silf; his frend cometh, and schal serche hym.

A mannus wombe schal be fillid of the fruit of his mouth; and the seedis of hise lippis schulen fille hym.

Betere is a pore man, that goith in his simplenesse, than a riche man bitynge hise lippis, and vnwijs.

The foli of a man disseyueth hise steppis; and he brenneth in his soule ayens God.

but he that holdith stabli the mynde, loueth his soule, and the kepere of prudence schal fynde goodis.

The teching of a man is knowun bi pacience; and his glorie is to passe ouere wickid thingis.

He that kepith the comaundement of God, kepith his soule; but he that chargith not his weie, schal be slayn.