Study Desk

But sche schal be sauyd bi generacioun of children, if sche dwellith perfitli in feith, and loue, and hoolynesse, with sobrenesse.

not youun myche to wyn, not a smytere, but temperat, not ful of chiding, not coueitouse, wel reulinge his hous,

But be thei preued first, and mynystre so, hauynge no cryme.

but if Y tarie, that thou wite, hou it bihoueth thee to lyue in the hous of God, that is the chirche of lyuynge God, a pilere and sadnesse of treuthe.

But the spirit seith opynli, that in the laste tymes summen schulen departe fro the feith, yyuynge tent to spiritis of errour, and to techingis of deuelis; that speken leesing in ipocrisie,

But eschewe thou vncouenable fablis, and elde wymmenus fablis; haunte thi silf to pitee.

For bodili exercitation is profitable to litle thing; but pitee is profitable to alle thingis, that hath a biheest of lijf that now is, and that is to come.

No man dispise thi yongthe, but be thou ensaumple of feithful men in word, in lyuyng, in charite, in feith, in chastite.

Blame thou not an eldere man, but biseche as a fadir, yonge men as britheren; elde wymmen as modris,

But if ony widewe hath children of sones, lerne sche first to gouerne her hous, and quyte to fadir and modir; for this thing is acceptid bifor God.

But eschewe thou yongere widewis; for whanne thei han do letcherie, thei wolen be weddid in Crist,

Also thei idil lernen to go aboute housis, not oneli ydel, but ful of wordis and curiouse, spekynge thingis that bihoueth not.

Nyle thou resseyue accusyng ayens a preest, but vndur tweyne or thre witnessis.

But reproue thou men that synnen bifor alle men, that also othere haue drede.

Nyle thou yit drinke watir, but vse a litil wyn, for thi stomac, and `for thin ofte fallynge infirmytees.

Sum mennus synnes ben opyn, bifor goynge to dom; but of summen thei comen aftir.

And thei that han feithful lordis, dispise hem not, for thei ben britheren; but more serue thei, for thei ben feithful and louyd, whiche ben parceneris of benefice. Teche thou these thingis, and moneste thou these thingis.

he is proud, and kan no thing, but langwischith aboute questiouns and stryuyng of wordis, of the whiche ben brouyt forth enuyes, stryues, blasfemyes, yuele suspiciouns, fiytingis of men,

But a greet wynnyng is pitee, with sufficience.

But we hauynge foodis, and with what thingus we schulen be hilid, be we paied with these thingis.