Study Desk

Thin hond be maad, that it saue me; for Y haue chose thin heestis.

I erride as a scheep that perischide; Lord, seke thi seruaunt, for Y foryat not thi comaundementis.

Allas to me! for my dwelling in an alien lond is maad long, Y dwellide with men dwellinge in Cedar; my soule was myche a comelyng.

For the lynagis, the lynagis of the Lord stieden thidir, the witnessing of Israel; to knouleche to the name of the Lord.

For thei saten there on seetis in doom; seetis on the hous of Dauid.

For my britheren and my neiyboris; Y spak pees of thee.

For the hous of oure Lord God; Y souyte goodis to thee.

Lord, haue thou merci on vs, haue thou merci on vs; for we ben myche fillid with dispisyng.

For oure soule is myche fillid; we ben schenschipe to hem that ben abundaunte with richessis, and dispising to proude men.

The `title of the hundrid and thre and twentithe `salm. The song of grecis `of Dauith. Israel seie now, No but for the Lord was in vs;

no but for `the Lord was in vs. Whanne men risiden vp ayens vs;

For the Lord schal not leeue the yerde of synneris on the part of iust men; that iust men holde not forth her hondis to wickidnesse.

For thou schalt ete the trauels of thin hondis; thou art blessid, and it schal be wel to thee.

For merci is at thee; and, Lord, for thi lawe Y abood thee. Mi soule susteynede in his word; my soule hopide in the Lord.

For whi merci is at the Lord; and plenteous redempcioun is at hym.

For Dauid, thi seruaunt; turne thou not awei the face of thi crist.

For the Lord chees Sion; he chees it in to dwelling to hym silf.

This is my reste in to the world of world; Y schal dwelle here, for Y chees it.

that goith doun in to the hil of Sion. For there the Lord sente blessing; and lijf til in to the world.

Herie ye the Lord, for the Lord is good; singe ye to his name, for it is swete.