Study Desk

For the Lord chees Jacob to him silf; Israel in to possessioun to him silf.

For Y haue knowe, that the Lord is greet; and oure God bifore alle goddis.

For the Lord schal deme his puple; and he schal be preied in hise seruauntis.

Tho han eeris, and schulen not here; for `nether spirit is in the mouth of tho.

The title of the hundrid and fyue and thrittithe salm. Alleluya. Knouleche ye to the Lord, for he is good, for his merci is withouten ende.

For in oure lownesse he hadde mynde on vs.

Knouleche ye to the Lord of lordis; for his merci is with outen ende.

For thei that ledden vs prisoners; axiden vs there the wordis of songis. And thei that ledden awei vs seiden; Synge ye to vs an ympne of the songis of Syon.

Lord, haue thou mynde on the sones of Edom; for the dai of Jerusalem. Whiche seien, Anyntische ye, anyntische ye; `til to the foundement ther ynne.

The `title of the hundrid and seuene and thrittithe salm. `To Dauith him silf. Lord, Y schal knouleche to thee in al myn herte; for thou herdist the wordis of my mouth. Mi God, Y schal singe to thee in the siyt of aungels;

Y schal worschipe to thin hooli temple, and Y schal knouleche to thi name. On thi merci and thi treuthe; for thou hast magnefied thin hooli name aboue al thing.

Lord, alle the kingis of erthe knouleche to thee; for thei herden alle the wordis of thi mouth.

And singe thei in the weies of the Lord; for the glorie of the Lord is greet.

For the Lord is hiy, and biholdith meke thingis; and knowith afer hiy thingis.

The Lord schal yelde for me, Lord, thi merci is with outen ende; dispise thou not the werkis of thin hondis.

And thou hast bifor seien alle my weies; for no word is in my tunge.

For whi derknessis schulen not be maad derk fro thee, aud the niyt schal be liytned as the dai; as the derknessis therof, so and the liyt therof.

For thou haddist in possessioun my reines; thou tokist me vp fro the wombe of my modir.

I schal knouleche to thee, for thou art magnefied dreedfuli; thi werkis ben wondirful, and my soule schal knouleche ful miche.

For thou, God, schalt slee synneris; ye menquelleris, bowe awei fro me.