Study Desk

For he bowide doun his eere to me; and Y schal inwardli clepe in my daies.

Mi soule, turne thou in to thi reste; for the Lord hath do wel to thee.

For he hath delyuered my soule fro deth; myn iyen fro wepingis, my feet fro fallyng doun.

I bileuede, for which thing Y spak; forsoth Y was maad low ful myche.

What schal Y yelde to the Lord; for alle thingis which he yeldide to me?

O! Lord, for Y am thi seruant; Y am thi seruaunt, and the sone of thi handmaide. Thou hast broke my bondys,

For his merci is confermyd on vs; and the treuthe of the Lord dwellith with outen ende.

The titil of the hundrid and seuententhe salm. Alleluia. Knouleche ye to the Lord, for he is good; for his merci is with outen ende.

Israel seie now, for he is good; for his merci is with outen ende.

The hous of Aaron seie now; for his merci is with outen ende.

Thei that dreden the Lord, seie now; for his merci is withouten ende.

It is betere for to trist in the Lord; than for to triste in man.

It is betere for to hope in the Lord; than for to hope in princes.

Alle folkis cumpassiden me; and in the name of the Lord it bifelde, for Y am auengide on hem.

Thei cumpassinge cumpassiden me; and in the name of the Lord, for Y am auengid on hem.

Thei cumpassiden me as been, and thei brenten out as fier doith among thornes; and in the name of the Lord, for Y am avengid on hem.

I schal knouleche to thee, for thou herdist me; and art maad to me in to heelthe.

Thou art my God, and Y schal knouleche to thee; thou art my God, and Y schal enhaunse thee. I schal knouleche to thee, for thou herdist me; and thou art maad to me in to heelthe.

Knouleche ye to the Lord, for he is good; for his merci is with outen ende.

For thei that worchen wickidnesse; yeden not in hise weies.