Study Desk

For the prijs of an hoore is vnnethe of o loof; but a womman takith the preciouse soule of a man.

It is not greet synne, whanne a man stelith; for he stelith to fille an hungri soule.

But he that is avouter; schal leese his soule, for the pouert of herte.

For the feruent loue and strong veniaunce of the man schal not spare in the dai of veniaunce,

nether schal assente to the preieris of ony; nether schal take ful many yiftis for raunsum.

For whi fro the wyndow of myn hous bi the latijs Y bihelde; and Y se litle children.

And sche takith, and kissith the yong man; and flaterith with wowynge cheer, and seith, Y ouyte sacrifices for heelthe;

For myn hosebonde is not in his hows; he is goon a ful long weie.

For sche castide doun many woundid men; and alle strongeste men weren slayn of hir.

Here ye, for Y schal speke of grete thingis; and my lippis schulen be openyd, to preche riytful thingis.

For wisdom is betere than alle richessis moost preciouse; and al desirable thing mai not be comparisound therto.

For thi daies schulen be multiplied bi me; and yeeris of lijf schulen be encreessid to thee.

And wiste not that giauntis ben there; and the gestis `of hir ben in the depthis of helle. Sotheli he that schal be applied, ether fastned, to hir; schal go doun to hellis. For whi he that goith awei fro hir; schal be saued.

Chosun siluer is the tunge of a iust man; the herte of wickid men is for nouyt.

A iust man is delyuered from angwisch; and a wickid man schal be youun for hym.

He that makith feith for a straunger, schal be turmentid with yuel; but he that eschewith snaris, schal be sikur.

For the synnes of lippis `falling doun neiyeth to an yuel man; but a iust man schal scape fro angwisch.

He that dispisith harm for a frend, is a iust man; but the weie of wickid men schal disseyue hem.

A wickid man is put out for his malice; but a iust man hopith in his deth.

The Lord wrouyte alle thingis for hym silf; and he made redi a wickid man to the yuel dai.