Study Desk

Thei that don wickidli ben abhomynable to the king; for the trone of the rewme is maad stidfast bi riytfulnesse.

Welde thou wisdom, for it is betere than gold; and gete thou prudence, for it is precyousere than siluer.

The soule of a man trauelinge trauelith to hym silf; for his mouth compellide hym.

Yuel schal not go a wei fro the hous of hym, that yeldith yuels for goodis.

A fonned man schal make ioie with hondis, whanne he hath bihiyt for his frend.

A slow man nolde ere for coold; therfor he schal begge in somer, and me schal not yyue to hym.

Take thou awei the cloth of hym, that was borewe of an othere man; and for straungeris take thou awei a wed fro hym.

Seie thou not, Y schal yelde yuel for yuel; abide thou the Lord, and he schal delyuere thee.

The raueyns of vnpitouse men schulen drawe hem doun; for thei nolden do doom.

An vnpitouse man schal be youun for a iust man; and a wickid man schal be youun for a riytful man.

Desiris sleen a slow man; for hise hondis nolden worche ony thing.

Betere is a good name, than many richessis; for good grace is aboue siluer and gold.

He that is redi to merci, schal be blessid; for of his looues he yaf to a pore man. He that yyueth yiftis, schal gete victorie and onour; forsothe he takith awei the soule of the takeris.

He that loueth the clennesse of herte, schal haue the kyng a freend, for the grace of hise lippis.

Do thou not violence to a pore man, for he is pore; nethir defoule thou a nedi man in the yate.

For the Lord schal deme his cause, and he schal turmente hem, that turmentiden his soule.

Nyle thou be with hem that oblischen her hondis, and that proferen hem silf borewis for dettis; for if he hath not wherof he schal restore,

Reise not thin iyen to richessis, whiche thou maist not haue; for tho schulen make to hem silf pennes, as of an egle, and tho schulen flee in to heuene.

for at the licnesse of a fals dyuynour and of a coniectere, he gessith that, that he knowith not. He schal seie to thee, Ete thou and drinke; and his soule is not with thee.

Speke thou not in the eeris of vnwise men; for thei schulen dispise the teching of thi speche.