Study Desk

So also the tunge is but a litil membre, and reisith grete thingis. Lo! hou litil fier brenneth a ful greet wode.

And al the kynde of beestis, and of foulis, and of serpentis, and of othere is chastisid, and tho ben maad tame of mannus kinde; but no man mai chastise the tunge,

For this wisdom is not fro aboue comynge doun, but ertheli, and beestli, and feendli.

But wisdom that is from aboue, first it is chast, aftirward pesible, mylde, able to be counseilid, consentinge to goode thingis, ful of merci and of goode fruytis, demynge with out feynyng.

But he yyueth the more grace; for which thing he seith, God withstondith proude men, but to meke men he yyueth grace.

Therfor be ye suget to God; but withstonde ye the deuel, and he schal fle fro you.

My britheren, nyle ye bacbite ech othere. He that bacbitith his brothir, ethir that demeth his brothir, bacbitith the lawe, and demeth the lawe. And if thou demest the lawe, thou art not a doere of the lawe, but a domesman.

But oon is makere of the lawe, and iuge, that may lese, and delyuere.

Bifor alle thingis, my britheren, nyle ye swere, nether bi heuene, nether bi erthe, nethir bi what euere other ooth. But be youre word Yhe, yhe, Nay, nay, that ye fallen not vndir doom.

Whom whanne ye han not seyn, ye louen; in to whom also now ye not seynge, bileuen; but ye that bileuen schulen haue ioye, and gladnesse that may not be teld out,

To which it was schewid, for not to hem silf, but to you thei mynystriden tho thingis, that now ben teld to you bi hem that prechiden to you bi the Hooli Goost sent fro heuene, in to whom aungelis desiren to biholde.

but lijk him that hath `clepid you hooli; that also `ye silf be hooli in `al lyuyng;

but bi the precious blood as of the lomb vndefoulid and vnspottid,

Crist Jhesu, that was knowun bifor the makyng of the world, but he is schewid in the laste tymes,

And be ye borun ayen, not of corruptible seed, `but vncorruptible, bi the word of lyuynge God, and dwellynge in to with outen ende.

but the word of the Lord dwellith with outen ende. And this is the word, that is prechid to you.

And neiye ye to hym, that is a lyuyng stoon, and repreuyd of men, but chosun of God, and onourid;

Therfor onour to you that bileuen; but to men that bileuen not, the stoon whom the bilderis repreuyden, this is maad in to the heed of the corner; and the stoon of hirtyng,

But ye ben a chosun kyn, a kyngli preesthod, hooli folc, a puple of purchasing, that ye telle the vertues of hym, that clepide you fro derknessis in to his wondirful liyt.

Which sum tyme were not a puple of God, but now ye ben the puple of God; which hadden not merci, but now ye han merci.