Study Desk

But ye han come nyy to the hil Sion, and to the cite of God lyuynge, the heuenli Jerusalem, and to the multitude of many thousynde aungels,

Whos vois than mouyde the erthe, but now he ayen bihetith, and seith, Yit onys and Y schal moue not oneli erthe, but also heuene.

For we han not here a citee dwellynge, but we seken a citee to comynge.

But axe he in feith, and doute no thing; for he that doutith, is lijk to a wawe of the see, which is moued and borun a boute of wynde.

But ech man is temptid, drawun and stirid of his owne coueiting.

Aftirward coueityng, whanne it hath conseyued, bringith forth synne; but synne, whanne it is fillid, gendrith deth.

Wite ye, my britheren moost loued, be ech man swift to here, but slow to speke, and slow to wraththe;

But be ye doeris of the word, and not hereris oneli, disseiuynge you silf.

But he that biholdith in the lawe of perfit fredom, and dwellith in it, and is not maad a foryetful herere, but a doere of werk, this schal be blessid in his dede.

And if ony man gessith hym silf to be religiouse, and refreyneth not his tunge, but disseyueth his herte, the religioun of him is veyn.

and if ye biholden in to hym that is clothid with clere clothing, and if ye seie to hym, Sitte thou here wel; but to the pore man ye seien, Stonde thou there, ethir sitte vndur the stool of my feet; whether ye demen not anentis you silf,

But ye han dispisid the pore man. Whether riche men oppressen not you bi power, and thei drawen you to domes?

But if ye taken persones, ye worchen synne, and ben repreued of the lawe, as trespasseris.

And who euere kepith al the lawe, but offendith in oon, he is maad gilti of alle.

For he that seide, Thou schalt do no letcherie, seide also, Thou schalt not sle; that if thou doist not letcherie, but thou sleest, thou art maad trespassour of the lawe.

For whi dom with out merci is to hym, that doith no mercy; but merci aboue reisith dom.

Mi britheren, what schal it profite, if ony man seie that he hath feith, but he hath not the werkis? whether feith schal mowe saue hym?

and if ony of you seie to hem, Go ye in pees, be ye maad hoot, and be ye fillid; but if ye yyuen not to hem tho thingis that ben necessarie to bodi, what schal it profite?

But summan schal seie, Thou hast feith, and Y haue werkis; schewe thou to me thi feith with out werkis, and Y schal schewe to thee my feith of werkis.

But wolt thou wite, thou veyn man, that feith with out werkis is idul?